130. MWATHANI NIATHUIRE

1.
Mwathani nĩathũire
Ngoro cia mwĩgatho
Na andũ arĩa menenehagia
Nĩakamanyihia othe

2.
Caitani egatha
Maitho-inĩ ma Ngai
Ngai aheire Mikaeli
Hinya akĩmũingata

3.
Hamani nĩambirwo
Na njibe egatha
Oiga nĩaturĩrio maru
Nĩ Moridekai

4.
Mũnene wa Babuloni
Egatha we mwene
Nĩatunyirwo roho wa andũ
Akĩhaana nyamu

5.
Tondũ wa mwĩgaatho
Wa mũthamaki ũcio
Eriruo arĩe nyeki mĩaka
Mũgwanja ta ndegwa

6.
Rĩrĩa mũfarisai
Egathĩire Ngai
Nĩenyararithirie mũno
Na agĩtuwo mwĩhia

7.
Herode aikarĩra
Gĩtĩ akĩenda agathwo
Mũraika nĩamũũragire
Na nyamũ ta igunyũ

8.
Jehova we wiki
Nĩwe wakũgathwo
Na athaithagwo nĩ andũ othe
Tondũ nĩ mũhoti.