104. MBEU ICI NI IRIA THERU

104. MBEU ICI IRIA THERU(17/1/1946)

1.
Mbeũ ici nĩ iria theru
Ciahandirwo nĩ Petero
Kũrĩ inyuĩ andũ arĩa athure
Mũgĩe na maciaro mega
Ũkai inyuothe
Tũhande mbeũ ici
Nĩguo tũgatonya
Ũthamaki-inĩ wa igũrũ

Wĩtĩkio na ũthingu
Na ũũgĩ mũingĩ wa ngoro
Na mwĩrĩ ũmenyererwo
Merirĩria mooru ma thĩ
Na gũkirĩrĩria, uume Ngai thutha
Na ũrũmie wendani
Wende ariũ a Ithe witũ

2.
Mũndũ ũrĩa ũmenyereire
Ciugo ici igaikara ngoro
Ndangĩtuĩka kĩgũta
Gĩa gwĩka maũndũ mega
Ũcio nĩamenyaga
Mwathani ũrĩa wa ma
Na nĩeriragĩria
Njĩra ĩrĩa ya ũthingu wa ma

3.
Arĩa matahana ũguo
Ngoro ciao nĩ ndumumu
Maharũkaga irima
Na matione magĩtonya
Nĩmariganĩirwo
Mehia mao mothe
Jesu nĩathambĩtie
Matuo ciana cia Ngai

4.
Ariũ a Ithe witũ
Iguai mũmenye na ma
Ngai nĩamwamũrĩte
Na Roho ũrĩa aheire Mũriũ
Kĩgĩei na kĩo
Mwĩtigĩre Ngai
Na ndakamũhĩnga
Mũgĩtonya ũthamaki-inĩ.