81 Ũkani, tũinĩre Ngai, tũine na gĩkeno

1.
Ũkani, tũinĩre Ngai, tũine na gĩkeno;
Mũthamaki Jesu Kristo tũmũgoce mũno,
Aanake inai wega, mũtuĩke athingu;
Na airĩtu mũhorere ta Mwathani wanyu.

2.
Aanake na airĩtu, mũinĩri Jesu;
Na twana nĩtwagĩrĩirũo tũmũgoce rĩu,
Na Jesu nĩ Mũhorerĩ, na ningĩ Mũkũri
Wa twana na andũ agima, na nĩwe Mwathani.

3.
Aanake rutai wĩra, mũrutĩre Jesu;
Mũkona mũcara wanyu mwakinya Igũrũ,
Athuri na atumia! O na airĩtu !
Magetha nĩ maigĩ mũno mũgũnda wa Jesu.

4.
Ihinda rĩu rĩĩ hakuhe rĩrĩa andũ ake
Magatwarũo gwake mũciĩ, nĩguo mahurũke,
Jesu Kristo tũteithie rĩu tũgĩe na kĩo
Andũ aku maĩngihe a gũtonya kuo.