69 Mũhonokia arogocwo

1.
Mũhonokia arogocwo
Nĩ ithuĩ andũ ake;
Kaĩ tũngĩmenya thirĩ
Witũ wa Jesu?

2.
Nĩtũmũhe mĩĩrĩ iitũ,
O na indo ciothe ciitu;
Tondũ nĩ mũnene witũ,
Ningĩ Mũkũri.

3.
Rĩĩtwa rĩa Jesu nĩ rĩega,
Ĩ, nĩrĩo rĩtũkenagia:
Nĩwe ũtũhotithagia
Tũikare wega.

4.
Mathanganĩa ma Shaitani
Na njiriri gũtiri
Ingĩhota gũtũthũkia,
Tũmwĩhokete.

5.
Tũmwĩhoke nginya tene,
Ithuothe andũ ake;
Tondũ nĩ Mũrũmĩrĩri,
Nĩnge Mwendani.

6.
Hinya wothe wa Shaitani,
O na wara wake wothe,
Ndũngĩtigithania Jesu
Na arĩa endete.

7.
Mwathani no ũtũteithie,
Tũkwĩhokage We wiki,
Nginya tũgathiĩ nawe
Gwaku Igũrũ.

8.
Nĩkuo twendaga gũkinya,
Na nĩkuo tũgathakario,
Na tũkahana ta Jesu.
Mũkũri witũ.