32 Ngai mwega na mũigua-tha

1.
Ngai mwega na mũigua-tha,
Ũnjiguithie wendo waku
Ngoro thĩinĩ;
Ũnjiyũrie wendo ũcio
Ngĩe na ngoro ta ya Jesu
Mwana waku.

2.
Ũ’he kwĩrira Kũnene
Nĩ ũndũ wa waganu wakwa
O na ũremi;
Ũ’he kĩeha ndirikane
Ũrĩa ndanagũtirika
Kaingĩ mũno.

3.
Ndeithia mũno kuumbũraga
Ũũru wakwa wothe wothe,
Ngai mwega,
Nĩguo nawe ũnjohere
Tondũ wa kũnyamarĩka
Kwa mũrũ-guo.

4.
Ngai ndũmĩra Roho Mwega
Njiyũragwo nĩwe ngoro
Hingo ciothe,
Njikarage ndĩ mũthingu
Ta Mwathani wakwa Jesu
Ũnyendaga.

5.
Ningĩ ũ’he kĩyo kĩnene
Gĩa kuonagĩa andũ arĩa angĩ
Wendo waku,
Ndĩmerage wĩ mũigua – tha
Na wendaga kũmohera
Na kũmoya.

6.
Ngwenda ndũme makwĩhoke,
Makũmenye na makwenda,
Ithe witũ;
Nĩguo andũ magũkumie,
Magũtue mũhonokia;
Bũrũri ũyũ.