Go Back

Joshua Chapter 15

• 1. Naguo bũrũri ũrĩa wagũĩrĩire mũhĩrĩga wa ciana cia Juda wacukĩrũo mĩtĩ, o ta ũrĩa mbarĩ ciacio ciatariĩ, wakinyire o mũhaka-inĩ wa Edomu, o nginya werũ wa Zini mwena wa gũthini, o gĩturi-inĩ kĩa mwena ũcio.
• 2. O naguo mũhaka wao wa mwena wa gũthini warutĩtio o mũthia-inĩ wa Iria rĩa Cumbĩ, o gĩcongoco-inĩ kĩa iria rĩu kĩrĩa kĩrorete mwena wa gũthini;
• 3. mũhaka ũcio ũgathiĩ ũkahĩtũkĩra o mwena-inĩ wa gũthini wa rĩambatĩrĩro-inĩ rĩa Akirabimu, ũgakinya Zini, ũgakĩambata na mwena wa gũthini wa Kadeshi-barinea, ũgathiĩ o ro ũguo wĩgiritanĩtie na Hezironi, ũkaambata ũgakinya Adari, ningĩ ũgakĩrigicũka ũgakinya Karika;
• 4. ũgagĩcoka ũgathiĩ o ro ũguo, ũgakinya Azimoni, ũgakiumĩrĩra karũũĩ ka Misiri; naguo mũhaka ũcio waguo ũkoimĩra iria-inĩ; ũcio nĩguo ũgũtuĩka mũhaka wanyu wa mwena wa gũthini.
• 5. Naguo mũhaka wa mwena wa irathĩro warĩ Iria rĩa Cumbĩ, o nginya mũthia wa Jorodani. Naguo mũhaka wa mwena wa gathigathini woimĩte gĩcongoco-inĩ kĩu kĩarĩ iria-inĩ, o mũthia wa Jorodani;
• 6. naguo mũhaka ũcio ũkĩambata, ũgĩkinya Bethi-hogila, ũgĩcoka ũkĩhungurĩra mwena wa gathigathini wa Bethi-araba; ũgĩkĩambata, ũgĩkinya ihiga-inĩ rĩa Bohani wa Reubeni;
• 7. ningĩ mũhaka ũcio ũkĩambata ũgĩkinya Debiri uumĩte gĩtuamba gĩa Akori, naguo ũgĩthiĩ o ro ũguo ũrorete gathigathini itũũra-inĩ rĩa Giligali, rĩrĩa rĩng’etheire rĩambatĩrĩro-inĩ rĩa Adumimu mwena wa gũthini wa rũũĩ; naguo mũhaka ũcio ũgĩcoka, ũgĩthiĩ o ro ũguo, ũgĩkinya maĩ-inĩ ma Eni-shemeshi, nayo nyumĩrĩra yaguo yarĩ o kũu Eni-rogeli;
• 8. ningĩ mũhaka ũcio ũkĩambata ũkĩgera mũkuru-inĩ wa mũrũ wa Hinomu, ũgĩkinya rũgiki-inĩ rũa gũthini rũgongo rũa Mũjebusi (na nokuo Jerusalemu); naguo mũhaka ũcio ũkĩambatĩra kĩrĩma igũrũ kĩrĩa kĩng’etheire mũkuru ũcio wa Hinomu mwena wa ithũĩro, nakĩo nĩkĩo kĩrĩ o mũthia-inĩ wa gĩtuamba kĩa Refaimu mwena wa gathigathini;
• 9. naguo mũhari wa mũhaka ũcio ũgĩkururũo ũrutĩtio kĩrĩma-inĩ igũrũ, ũgĩkinya gĩthima-inĩ kĩa maĩ ma Nefitoa, ũgĩcoka ũgĩkinya matũũra-inĩ ma kĩrĩma kĩa Efironi; naguo mũhaka ũcio ũgĩkururũo ũgĩkinya Baala (na nokuo Kiriathu-jearimu):
• 10. ningĩ mũhaka ũcio ũkĩrigicũka na mwena wa ithũĩro uumĩte Baala ũgĩkinya kĩrĩma gĩa Seiru, ũgĩkĩhungurĩra rũgiki-inĩ rũa kĩrĩma kĩa Jearimu mwena wa gathigathini wakĩo (na nokuo Keshaloni), ũgĩcoka ũgĩikũrũka ũgĩkinya Bethi-shemeshi, ũkĩhungurĩra Timina;
• 11. ningĩ mũhaka ũcio ũkiuma hau, ũgĩthiĩ kuumĩrĩra mwena-inĩ wa Ekironi ũrorete gathigathini; naguo mũhaka ũcio ũgĩkururũo ũgĩkinya Shikeroni, ũgĩkĩhungura ũgĩkinya kĩrĩma-inĩ kĩa Baala, ningĩ woima hau ũkiumĩrĩra Jabineeli; nayo nyumĩrĩra ya mũhaka ũcio yarĩ o iria-inĩ.
• 12. Naguo mũhaka wa mwena wa ithũĩro ũgĩthiĩ ũrorete iria-inĩ rĩrĩa inene, ũgĩgĩthiĩ wĩgiritanĩtie narĩo. Ũcio nĩguo mũhaka wa ciana cia Juda mĩena yothe, o ta ũrĩa mbarĩ ciacio ciatariĩ.
• 13. Nake Kalebu wa Jefune agĩkĩheo igai rĩa gĩthaka thĩinĩ wa ciana cia Juda, o ta ũrĩa Jehova aathire Joshua eke, nakĩo nĩ Kiriathu-ariba (na nokuo Hebironi), nake Ariba ũcio nĩwe warĩ ithe wa Anaku.
• 14. Nake Kalebu akĩingata ariũ arĩa atatũ a Anaku moime kũu, nao nĩ Sheshai, na Ahimani, na Talimai, ciana cia Anaku.
• 15. Ningĩ agĩkiuma kũu, akĩambata akahũrane na andũ arĩa maatũũraga Debiri; na rĩrĩ, rĩĩtwa rĩa Debiri mbere ya hĩndĩ ĩo rĩarĩ Kiriathu-seferi.
• 16. Nake Kalebu agĩkiuga atĩrĩ, Mũndũ ũrĩa ũrĩhũra Kiriathu-seferi, arĩtunyane, nĩwe ngahe mwarĩ wakwa Akisa atuĩke mũka.
• 17. Nake Othinieli, mũrũ wa mũrũ wa ithe na Kalebu ũrĩa wetagwo Kenazu, akĩrĩtunyana; nake Kalebu agĩkĩmũhe mwarĩ, Akisa, atuĩke mũka.
• 18. Na gũgĩkinya atĩrĩ, atĩ Akisa aakinya harĩ Othinieli, akĩmwĩkĩra ngoro ya kũhoya mũgũnda harĩ ithe; Akisa agĩgĩcoka akiuma igũrũ rĩa ndigiri yake, akĩrũgama, nake Kalebu akĩmũũria atĩrĩ, Ũbatairio nĩ kĩ?
• 19. Agĩkĩmwĩra atĩrĩ, Ngwenda ũndathime; na rĩrĩ, tondũ nĩũ’heete bũrũri wa mwena wa Gũthini-rĩ, ningĩ ndagũthaitha ũ’he ithima cia maĩ. Nake agĩkĩmũhe kũndũ gwĩ ithima cia maĩ rũgongo igũrũ, o na kĩanda-inĩ.
• 20. Rĩrĩ nĩrĩo igai rĩrĩa mũhĩrĩga wa ciana cia Juda wagwatire rĩtuĩke rĩaguo o ta ũrĩa mbarĩ ciaguo ciatariĩ.
• 21. Matũũra ma mũhĩrĩga wa ciana cia Juda, marĩa maarĩ gĩturi-inĩ kĩa bũrũri waguo, o macio maarorete mũhaka-inĩ wa Edomu, mwena wa gũthini, maarĩ Kabizeeli, na Ederi, na Jaguri,
• 22. na Kina, na Dimona, na Adada;
• 23. na Kedeshi, na Hazoru, na Ithinani;
• 24. na Zifu, na Telemu, na Bealothu;
• 25. na Hazoru-hadata, na Keriothu-hezironi (na nĩrĩo Hazoru);
• 26. na Amamu, na Shema, na Molada;
• 27. na Hazaru-gada, na Heshimoni, na Bethi-peletu;
• 28. na Hazaru-shuali, na Biri-shiba, na Biziothia;
• 29. na Baala, na Iimu, na Ezemu;
• 30. na Elitoladi, na Chesili, na Horima;
• 31. na Zikilagu, na Madimana, na Sanisana;
• 32. na Lebaothu, na Shilihimu, na Aini, na Rimoni; matũũra macio mothe nĩ mĩrongo ĩĩrĩ na kenda, na tũtũũra twamo.
• 33. Namo matũũra ma bũrũri ũrĩa wĩ ituamba nyingĩ nĩ Eshitaoli, na Zora, na Ashina;
• 34. na Zanoa, na Eni-ganimu, na Tapua, na Enamu,
• 35. na Jaramuthu, na Adulamu, na Soko, na Azeka;
• 36. na Shaaraimu, na Adithaimu, na Gedera, na Gederothaimu; nĩ matũũra ikũmi na mana, na tũtũũra twamo.
• 37. Na Zenani, na Hadasha, na Migidali-gadi;
• 38. na Dilani, na Mizipe, na Jokitheeli;
• 39. na Lakishi, na Bozikathu, na Egiloni;
• 40. na Kaboni, na Lahamamu, na Kithilishu;
• 41. na Gederothu, na Bethidagoni, na Naama, na Makeda; nĩ matũũra ikũmi na matandatũ, na tũtũũra twamo.
• 42. Na Libina, na Etheri, na Ashani;
• 43. na Ifita, na Ashina, na Nezibu;
• 44. na Keila, na Akizibu, na Maresha; nĩ matũũra kenda, na tũtũũra twamo.
• 45. Na Ekironi, hamwe na mĩciĩ yarĩo, o na tũtũũra twarĩo;
• 46. o na ningĩ mĩciĩ ĩrĩa yothe yegiritanĩtie na Ekironi nginya o iria-inĩ, na Ashidodi, o na tũtũũra twarĩo.
• 47. O na Ashidodi, na mĩciĩ yarĩo, o na tũtũũra twarĩo; na Gaza, o na mĩciĩ yarĩo, o na tũtũũra twarĩo; o nginya karũũĩ ka Misiri, na iria-inĩ rĩrĩa inene, o na hũgũrũrũ-inĩ ciarĩo.
• 48. Namo matũũra ma bũrũri ũrĩa wĩ irĩma nyingĩ nĩ Shamiri, na Jatiru, na Soko;
• 49. na Dana, na Kiriathu-sana (na nĩkuo Debiri);
• 50. na Anabu, na Eshitemo, na Animu;
• 51. na Gosheni, na Holoni, na Gilo; nĩ matũũra ikũmi na rĩmwe o na tũtũũra twamo.
• 52. Na Araba, na Duma, na Eshani;
• 53. na Janimu, na Bethi-tapua, na Afeka;
• 54. na Humuta, na Kiriathu-ariba (na nokuo Hebironi), na Zioru; nĩ matũũra kenda o na tũtũũra twamo.
• 55. Na Maoni, na Karimeli, na Zifu, na Juta;
• 56. na Jezireeli, na Jokideamu, na Zanoa;
• 57. na Kaini, na Gibea, na Timina; nĩ matũũra ikũmi, o na tũtũũra twamo.
• 58. Na Halihuli, na Bethi-zuru, na Gedoni;
• 59. na Maarathu, na Bethianothu, na Elitekoni; nĩ matũũra matandatũ o na tũtũũra twamo.
• 60. Na Kiriathu-baali (na norĩo Kiriathu-jearimu), na Raba; nĩ matũũra merĩ o na tũtũũra twamo.
• 61. Nakuo kũu werũ-inĩ nĩ Bethi-araba, na Midini, na Sekaka;
• 62. na Nibishani, o na Itũũra rĩa Cumbĩ, na Eni-gedi; nĩ matũũra matandatũ o na tũtũũra twamo.
• 63. Naho ha ũhoro wa Ajebusi arĩa maatũũraga Jerusalemu-rĩ, ciana cia Juda itiahotire kũmaingata; no rĩrĩ, Ajebusi acio maatũũranirie na ciana cia Juda kũu Jerusalemu, o na ũmũthĩ.

Home