Go Back

Joshua Chapter 12

• 1. Na rĩrĩ, aya nĩo athamaki a bũrũri ũcio arĩa maahũrirũo nĩ ciana cia Isiraeli, ikĩĩgwatĩra bũrũri wao, o kũu mũrĩmo ũcio ũngĩ wa Jorodani, mwena ũrĩa ũrorete irathĩro rĩa riũa, kuuma gĩtuamba kĩa Arinoni nginya kĩrĩma kĩa Herimoni, o na Araba guothe kũu mwena wa irathĩro;
• 2. nĩ Sihoni, mũthamaki wa Aamori, ũrĩa watũire Heshiboni, nake aathamakaga kuuma Aroeru, itũũra rĩrĩa rĩarĩ ndere-inĩ cia gĩtuamba kĩa Arinoni, o na itũũra rĩrĩa rĩĩ gatagatĩ ga gĩtuamba kĩu, o na nuthu ya Gileadi, o nginya rũũĩ rũa Jaboku, mũhaka-inĩ wa ciana cia Amoni;
• 3. na Araba, o nginya iria-inĩ rĩa Kinerothu mwena wa irathĩro, o na nginya iria-inĩ rĩa Araba, narĩo nĩrĩo Iria rĩa Cumbĩ, mũndũ agerete njĩra ya Bethi-jeshimothu mwena wa irathĩro; o na mwena wa gũthini, nginya o mũhuro wa kĩgaragaro kĩa Pisiga.
• 4. Ningĩ ciana cia Isiraeli igĩtunyana mabũrũri ma Ogu, mũthamaki wa Bashani, wa matigari ma Arefaimu arĩa maatũire Ashitarothu, na Edirei,
• 5. na agathamaka kĩrĩma-inĩ kĩa Herimoni, o na Saleka, o na Bashani guothe, o nginya mũhaka-inĩ wa Ageshuri, na wa Maakathi, o na nuthu ya Gileadi o nginya mũhaka-inĩ wao na Sihoni, mũthamaki wa Heshiboni.
• 6. Nake Musa, ndungata ya Jehova, me na ciana cia Isiraeli nĩo maamahũrire, nake Musa, ndungata ĩo ya Jehova, ĩkĩhe Areubeni, o na Agadi, o na nuthu ya mũhĩrĩga wa Manase, mabũrũri macio matuĩke mao.
• 7. Nao aya nĩo athamaki a bũrũri ũrĩa Joshua me na ciana cia Isiraeli maahũrire mũrĩmo ũyũ wa Jorodani mwena wa ithũĩro, kuuma Baali-gadi, o kũu gĩtuamba kĩa Lebanoni, o nginya kĩrĩma kĩa Halaku, kĩrĩa kĩgucũkĩte gĩgakinya Seiru; nake Joshua agĩkĩhe mĩhĩrĩga ya Isiraeli mabũrũri macio mao, matuĩke mayo, o ta ũrĩa yaamũkanĩte;
• 8. namo nĩ bũrũri ũrĩa wĩ irĩma nyingĩ, o na ituamba-inĩ, o na kũu Araba, o na kũu iharũrũka-inĩ, o na kũu werũ-inĩ, o na bũrũri wa mwena wa Gũthini, kwa Ahiti, na Aamori, na Akanaani, na Aperizi, na Ahivi, na Ajebusi.
• 9. Mũthamaki wa Jeriko nĩwe ũmwe; na mũthamaki wa Ai, itũũra rĩrĩa rĩarĩ hakuhĩ na Beth-eli, ũmwe;
• 10. na mũthamaki wa Jerusalemu, ũmwe; na mũthamaki wa Hebironi, ũmwe;
• 11. na mũthamaki wa Jaramuthu, ũmwe; na mũthamaki wa Lakishi, ũmwe;
• 12. na mũthamaki wa Egiloni, ũmwe; na mũthamaki wa Gezeru, ũmwe;
• 13. na mũthamaki wa Debiri, ũmwe; na mũthamaki wa Gederi, ũmwe;
• 14. na mũthamaki wa Horoma, ũmwe; na mũthamaki wa Aradi, ũmwe;
• 15. na mũthamaki wa Libina, ũmwe; na mũthamaki wa Adulamu, ũmwe;
• 16. na mũthamaki wa Makeda, ũmwe; na mũthamaki wa Beth-eli, ũmwe;
• 17. na mũthamaki wa Tapua, ũmwe; na mũthamaki wa Heferu, ũmwe;
• 18. na mũthamaki wa Afeku, ũmwe; na mũthamaki wa Lasharoni, ũmwe;
• 19. na mũthamaki wa Madoni, ũmwe; na mũthamaki wa Hazoru, ũmwe;
• 20. na mũthamaki wa Shĩmuroni-meroni, ũmwe; na mũthamaki wa Akishafu, ũmwe;
• 21. na mũthamaki wa Taanaka, ũmwe; na mũthamaki wa Megido, ũmwe;
• 22. na mũthamaki wa Kedeshi, ũmwe; na mũthamaki wa Jokineamu, itũũra rĩrĩa rĩrĩ kũu Karimeli, ũmwe;
• 23. na mũthamaki wa Doru, wa bũrũri ũrĩa mũtũũgĩru wa Doru, ũmwe; na mũthamaki wa Goimu, kũu Giligali, ũmwe;
• 24. na mũthamaki wa Tiriza, ũmwe; athamaki acio othe maarĩ mĩrongo ĩtatũ na ũmwe.

Home