Go Back

Gũcokerithia Maathani Chapter 11

• 1. Tondũ ũcio endaga Jehova Ngai waku, na ũmenyagĩrĩre maũndũ marĩa agwathĩte ma irĩra cia watho wake wa kũrũmĩrĩrũo, na matuĩro make ma cira, o na maathani make, hĩndĩ ciothe.
• 2. Na tondũ ũcio wĩciriei wega mũthenya o ro ũyũ wa ũmũthĩ maũndũ marĩa aaneka; nĩ gũkorũo ti kwaria ngwaria na ciana cianyu iria itamamenyete, na iria itaigana kuona maũndũ marĩa Jehova Ngai wanyu ekire ma kũherithania, na ũrĩa ũnene wake ũtariĩ, na ũrĩa guoko gwake kwarĩ na hinya, o na maũndũ marĩa ekire na guoko gwake gũtambũrũkĩtio,
• 3. o na ciama iria aaringaga, na mawĩra marĩa aarutaga, o maũndũ marĩa ekire kũu Misiri, agĩĩka Firauni, mũthũmaki wa Misiri, o na bũrũri wake wothe
• 4. na maũndũ marĩa ekire mbũtũ ya ita ya Misiri, na mbarathi ciayo, na ngari ciayo, o na ũrĩa aatũmire maĩ ma Iria Itune mamĩkorerere na kĩguũ rĩrĩa yamũrũmĩrĩire inyuĩ na ihenya, o na ũrĩa Jehova atũmĩte ĩtũũre ĩninĩtwo o na ũmũthĩ;
• 5. na ũrĩa aamwĩkire inyuĩ werũ-inĩ, o nginya mũgĩkinya kũndũ gũkũ;
• 6. o na ũrĩa ekire Dathani na Abiramu, ariũ a Eliabu, mũrũ wa Reubeni, rĩrĩa thĩ yaathamirie kanua kayo, ĩkĩmameria makĩũrĩra, marĩ na andũ othe a nyũmba ciao, na hema ciao, o na kĩrĩa gĩothe kĩarĩ muoyo kĩarũmanĩrĩire nao, Aisiraeli othe marĩ ho makĩĩonagĩra
• 7. no rĩrĩ, maitho manyu nĩmeoneire mawĩra macio mothe manene ma Jehova, o macio aaneka.
• 8. Tondũ ũcio menyagĩrĩrai mawatho mothe marĩa ngũmwatha ũmũthĩ, nĩ getha mũgĩage na hinya, na nĩguo mũhote gũthiĩ mũtonye bũrũri ũcio mũwĩgwatĩre ũtuĩke wanyu o ũcio mũkũringa mũkawĩgwatĩre;
• 9. na nĩ getha mũkaingĩhagia matukũ manyu mwĩ bũrũri ũcio Jehova erĩire maithe manyu na mwĩhĩtwa atĩ nĩakamahe o ene, o na rũciaro rũao, naguo nĩ bũrũri wĩ bũthi wa iria, o na ũũkĩ.
• 10. Nĩ gũkorũo bũrũri ũcio mũgũthiĩ kwĩgwatĩra ũtuĩke wanyu, ndũtariĩ ta bũrũri wa Misiri, kũrĩa mwoimire, na kũrĩa wahandaga mbeũ ciaku, ũgaciunithagĩria maĩ na magũrũ maku, o ta ũrĩa mũgũnda wa mboga wĩkagwo;
• 11. no rĩrĩ, bũrũri ũrĩa mũkũringa mũkegwatĩre ũtuĩke wanyu-rĩ, nĩ bũrũri wĩ irĩma na cianda, naguo ũnyuaga maĩ ma mbura ya igũrũ;
• 12. na nĩ bũrũri ũmenyagĩrĩrũo nĩ Jehova Ngai waku; namo maitho ma Jehova Ngai waku maikaraga maũcũthĩrĩirie hingo ciothe, kuuma o kĩambĩrĩria-inĩ kĩa mwaka o nginya mũthia-inĩ waguo.
• 13. Na nĩgũgakinya atĩrĩ, atĩ mũngĩrũmia na kĩyo mũno maathani makwa marĩa ngũmwatha ũmũthĩ, mwendage Jehova Ngai wanyu, na mũmũtungatagĩre na ngoro yanyu yothe, o na muoyo wanyu wothe-rĩ,
• 14. nĩndĩrĩmũheaga mbura, nĩguo yurage bũrũri wanyu kĩmera kĩayo gĩakinya, o mbura ya mũringo o na ya gũkũria irio, nĩ getha ũhotage gũcokereria irio ciaku ũgaciita makũmbĩ, o na ndibei yaku, o na maguta maku.
• 15. Na niĩ nĩngatũma mawerũ maku magĩe na nyeki ya kũrĩagwo nĩ ũhiũ waku nawe nĩũrĩrĩaga ũkahũna.
• 16. Wĩmenyagĩrĩrei mũno ngoro cianyu itikanaheneke, mũgarũrũke, mũtungatĩre ngai ingĩ, o na mũcituragĩrie ndu mũcihoe;
• 17. na tondũ ũcio Jehova acinwo nĩ marakara nĩ ũndũ wanyu, nake ahinge matu marĩa mairũ gũtigacoke kũgĩa mbura, o nayo thĩ yage gũcoka gũciara maciaro mayo; na inyuĩ mũthire o narua, mwehere bũrũri ũcio mwega Jehova amũheaga.
• 18. Tondũ ũcio mohoro macio makwa-rĩ, maigagei ngoro-inĩ cianyu, o na maroho-inĩ manyu; na mũmohagĩrĩre moko-inĩ manyu nĩguo matuĩkage kĩmenyithia marĩ ho, o na mũmekagĩre mathiithi manyu nĩguo matuĩkage kĩririkania gĩĩkĩrĩtwo gatagatĩ-inĩ ka maitho manyu.
• 19. Na mũmarutage ciana cianyu, na mwaragie ũhoro wamo hĩndĩ ĩrĩa ũikarĩte nyũmba yaku thĩinĩ, na hĩndĩ ĩrĩa ũgũthiĩ na njĩra, na hĩndĩ ĩrĩa ũkomete, o na rĩrĩa ũũkĩrĩte.
• 20. Ningĩ ũmaandĩkage hingĩro-inĩ cia nyũmba yaku, na ihingo-inĩ ciaku;
• 21. nĩ getha matukũ maku, o na matukũ ma ciana ciaku, makaingĩhio hĩndĩ ĩrĩa mũgatũũra bũrũri ũcio Jehova erĩire mathoguo na mwĩhĩtwa, o ihinda rĩrĩa rĩothe igũrũ matu-inĩ rĩgũtũũra rĩrĩ igũrũ rĩa gũkũ thĩ.
• 22. Nĩ gũkorũo mũngĩtũũra mũrũmĩtie na kĩyo maathani marĩa ndĩramũtaara namo, ngĩmwatha mũmekage; na mwendage Jehova Ngai wanyu, o na mũthiage na njĩra ciake ciothe, na mũikarage mwĩgwatanĩtie nake-rĩ,
• 23. Jehova nĩakamũingatĩra ndũrĩrĩ ici ciothe ciehere mbere yanyu, na mwĩgwatĩre kũndũ kwa ndũrĩrĩ nene, na irĩ hinya, kũrĩ inyuĩ.
• 24. Kũndũ guothe kũrĩa mũgakinya na ikinya rĩa magũrũ manyu-rĩ, nĩgũgatuĩka kwanyu; nayo mĩhaka yanyu ĩkahakanwo kuuma o werũ-inĩ nginya o Lebanoni; o na kuuma rũũĩ, o rũũĩ rũrĩa rũĩtagwo Farati, nginya o iria-inĩ rĩa mwena wa ithũĩro.
• 25. Hatikagĩa mũndũ o na ũrĩkũ ũkahota kũmwĩtiiria; Jehova Ngai wanyu nĩagatũma mwĩtigĩrũo nĩ andũ a bũrũri wothe ũrĩa mũgakinya, na mamakagio nĩ inyuĩ o ta ũrĩa amwĩrĩire.
• 26. Atĩrĩrĩ, mũthenya ũyũ wa ũmũthĩ-rĩ, nĩ kũhe ngũmũhe ũhoro wa kĩrathimo, o na wa kĩrumi;
• 27. kĩrathimo-rĩ, mũrĩrathimagwo hĩndĩ ĩrĩa mũiguĩte maathani ma Jehova, Ngai wanyu, o marĩa ngũmũtaara namo ngĩmwatha ũmũthĩ;
• 28. nakĩo kĩrumi-rĩ, mũrĩrumagwo hĩndĩ ĩrĩa mwarega kũigua maathani ma Jehova Ngai wanyu, mũgatiga gũthiĩ na njĩra ĩrĩa ngũmwĩra ũmũthĩ mũthiage nayo, mũkarũmĩrĩra ngai ingĩ iria mũtoĩ ũhoro wacio.
• 29. Na nĩgũgakinya atĩrĩ, atĩ hĩndĩ ĩrĩa Jehova Ngai waku agagũtwara agũkinyie bũrũri ũrĩa ũgũthiĩ kwĩgwatĩra ũtuĩke waku-rĩ, nĩũkaheanĩra ũhoro wa kĩrathimo kĩu kĩrĩma-inĩ kĩa Gerizimu, o nakĩo kĩrumi ũheanĩte ũhoro wakĩo kĩrĩma-inĩ kĩa Ebali.
• 30. Nacio irĩma icio-rĩ, githĩ itirĩ o kũu mũrĩmo ũrĩa wa Jorodani, mũkĩra ũrĩa ũngĩ wa njĩra ĩrĩa ĩrorete ithũĩro, bũrũri wa Akanaani arĩa matũũraga kũu Araba, kũrĩa kũng’etheire Giligali, gũkuhĩ na mĩgandi ya More?
• 31. Nĩ gũkorũo nĩmũkũringa Jorodani, mũthiĩ mũtonye bũrũri ũrĩa mũheetwo nĩ Jehova Ngai wanyu, na nĩmũkũwĩgwatĩra ũtuĩke wanyu, mũtũũre guo.
• 32. Na rĩrĩ, menyagĩrĩrai irĩra cia watho wa kũrũmĩrĩrũo, o na matuĩro ma cira, marĩa ngũmũhe ũhoro wamo ũmũthĩ.

Home