Go Back

Mika Chapter 2

• 1. Hĩ! Kaĩ andũ arĩa mathugundaga waganu na mageciria maũndũ moru marĩ o ũrĩrĩ me na haaro-ĩ! Rũcinĩ gwakĩa-rĩ, nĩguo mahingagia ũndũ ũcio, amu hinya wa kũwĩka me naguo.
• 2. Meriragĩria mĩgũnda, na makamĩtunyana; na nyũmba, na magathiĩ nacio. Mahinyagĩrĩria mũndũ hamwe na andũ a nyũmba yake, o mwene nyũmba na ũgai wake.
• 3. Tondũ ũcio Jehova ekuuga ũũ: Atĩrĩrĩ, nĩ gũthugunda ngũthugunda ũũru wa gũũkĩrĩra mũhĩrĩga ũcio, na mũtikahota gũthemia ngingo cianyu harĩ guo, o na kana mũcoke gwĩtwara na mwĩĩkĩrĩro, nĩ ũndũ matukũ maya nĩ ma mũtino.
• 4. Hĩndĩ ĩo-rĩ, andũ nĩ kwaria makaaria ũhoro wanyu na ngerekano, na marĩre kĩrĩro kĩnene mũno gĩa gũcakaya, moige atĩrĩ, Tũrĩ atahe o gũtahwo biũ, narĩo igai rĩa andũ aitũ nĩarĩgarũrĩte; nĩarĩ’thengeirie o gũthengia! Mĩgũnda iitũ amĩgayanĩirie andũ arĩa aremu.
• 5. Tondũ ũcio kĩrĩndĩ-inĩ kĩa Jehova hatigacoka kuoneka mũndũ o na ũrĩkũ wa gũcuka mĩtĩ na ũndũ wa gũthima ithaka na mũkanda.
• 6. Nĩ kuuga moigaga atĩrĩ, Tigai kũratha mohoro, nĩ ũndũ gũtiagĩrĩire kũratha mohoro ta macio! Kaĩ mohoro macio ma gũkũmana matagagĩthira?
• 7. O na ningĩ gũkeranwo atĩrĩ, Kaĩ Roho wa Jehova akĩagĩte hinya, wee nyũmba ya Jakubu? Na gũkoranio atĩrĩ, Anga ciĩko icio nĩ ciake? Githĩ ndũmĩrĩri ciakwa itigunaga andũ arĩa mathiaga na mĩthiĩre mĩerekereru?
• 8. No rĩrĩ, andũ akwa nĩ kwarahũka maarahũkĩte icaikuhĩ magatuĩka ta amuku akwa, tondũ mũcumaga agendi nguo ciao cia igũrũ, o na harĩa makoragwo mahoreire matekwenda mbaara.
• 9. Nao andũ-a-nja a andũ akwa mũkamaingata moime nyũmba ciao iria njega, o na mũgatunya tũkenge twao igai rĩatuo rĩa riri wakwa tene na tene.
• 10. Kĩarahũkei mwehere, tondũ haha tiho ũhurũko wanyu; amu tondũ wa maũndũ macio ma thahu-rĩ, mũkaninũkio na ũninani mũũru mũno.
• 11. Mũndũ wa gũthiĩ atongoretio nĩ roho ũrĩa ũhenanagia-rĩ, angĩitĩka kũhenania, oige atĩrĩ, Nĩngũkũrathĩra ũhoro ũkoniĩ ndibei o na njohi ndũrũ, ũcio nowe ũngĩĩtĩkĩrĩka atuĩke mũnabii wa andũ aya!
• 12. Atĩrĩrĩ, inyuĩ andũ a Jakubu, ti-itherũ nĩngamũcokanĩrĩria inyuothe hamwe, na ndirĩ hingo itagacokanĩrĩria matigari ma Isiraeli, ndĩmaige o handũ hamwe ta ng’ondu cia Bozara; namo matuĩke o ta rũũru rũa mbũri rũrĩ ũrĩithio-inĩ waruo, namo maronje ironja inene nĩ ũndũ wa ũrĩa andũ amo magakorũo maingĩhĩte.
• 13. Mũmatũrĩkĩria njĩra nĩ mũthiu mbere yao amatongorie, nao nĩmoinĩkĩte makoima kĩhingo-inĩ magethiĩra. Mũthamaki wao nĩ mũhĩtũku akamathiĩ mbere, nake Jehova nĩwe ũmatongoretie.

Home