Go Back

Hosea Chapter 6

• 1. Ũkani, tũcokerere Jehova; amu nĩatihanganĩtie na nĩarĩcoka gũtũhonia; ningĩ nĩahũranganĩte na no arĩcoka gũtuoha nguraro.
• 2. Namo matukũ merĩ maathira-rĩ, nĩagatũriũkia; mũthenya wa ĩtatũ agagĩtũũkĩria, na tũgatũũra muoyo mbere yake.
• 3. Kĩrekei tũmenye Jehova, na tũrũmanĩrie o kũmenyana nake. Wee-rĩ, kuumagara gwake nĩ gwa kwĩhokwo o ta ũrĩa gũũka kwa rũcinĩ kũrĩ gwa kwĩhokeka; na nĩagoka harĩ ithuĩ ta mbura, o ta mbura ya gũkũria irio ĩrĩa ĩĩkagĩra thĩ maĩ.
• 4. Wũi! wee Efiraimu, ingĩgwĩka atĩa? Nawe Juda-rĩ, kaĩ ngũgĩgwĩka atĩa? Nĩ ũndũ wega wanyu ũtariĩ ta itu rĩa rũcinĩ, na ta ireera rĩrĩa rĩthiraga o gatene.
• 5. Nĩkĩo ndĩmaicũhĩtie na tũnua twa anabii, ngakĩmoraga na ciugo cia kanua gakwa; namo matuĩro maku marĩa ũtuĩrĩirũo-rĩ, matariĩ ta ũtheri ũrĩa muumĩru.
• 6. Amu-rĩ, nĩ tha nyendaga, tiga igongona, na ũmenyo wa Ngai kũrĩ magongona ma gũcinwo.
• 7. No-o nĩmaagararire kĩrĩkanĩro gĩakwa o ta ũrĩa Adamu ekire; na magĩĩka ũguo-rĩ, nĩ kũngarũka maangarũkire.
• 8. Itũũra rĩa Gileadi-rĩ, nĩ rĩa arĩa mamaramaraga; nĩrĩthũkĩtio nĩ thakame.
• 9. Na ta ũrĩa ikundi cia atunyani ciĩhithagĩra mũndũ njĩra-inĩ-rĩ, no taguo gĩkundi kĩrĩa kĩa athĩnjĩri-Ngai kĩũraganaga njĩra-inĩ ya Shekemu; ĩĩ, ti-itherũ, nĩmekĩte maũndũ ma waganu.
• 10. Nĩnyonete ũndũ mũthũku mũno nyũmba-inĩ ya Isiraeli; amu-rĩ, kũu nĩkuonekete ũmaraya thĩinĩ wa Efiraimu, o nake Isiraeli nĩ mũgwatie thahu.
• 11. Ningĩ, wee Juda-rĩ, nĩ gwathĩrĩrio wathĩrĩirio ihinda rĩa magetha, rĩrĩa ngacoka kũruta andũ akwa kũrĩa matũire marĩ atahe.

Home