Go Back

Isaia Chapter 55

• 1. Atĩrĩrĩ, inyuĩ inyuothe arĩa mũnyotiĩ-rĩ, ũkai maĩ-inĩ. O nake ũrĩa ũtarĩ na mbia nĩoke; gũrai irio, mũrĩe. Ĩĩ-ni, ũkai mũgũre ndibei, o na iria, mũtarĩ mbia mũkũruta, o na kana kĩndũ gĩa thogora.
• 2. Hĩ! Nĩ kĩ gĩtũmaga mũrutĩre mbia irio gũtarĩ? Ningĩ-rĩ, nĩ kĩ gĩtũmaga mũnoge mũkĩrutĩra wĩra kĩndũ gĩtangĩmũhũnia? Ta ’thikĩrĩriai na kĩyo ngĩmwĩra mũrĩage kĩndũ kĩrĩa kĩega, na mũreke ngoro cianyu ciĩkenagie na nyama noru.
• 3. Endithiai matũ manyu harĩ niĩ, na mũ’thengerere; thikĩrĩriai, na nĩmũgũtũũra muoyo; na niĩ nĩngũrĩkanĩra na inyuĩ kĩrĩkanĩro gĩgũtũũra tene na tene, nakĩo nĩ kĩa mĩtugĩre ĩrĩa ĩtarĩ hingo ĩngĩagwo, o ĩo Daudi erĩirũo atĩ nĩakona.
• 4. Atĩrĩrĩ, ũcio nĩndamũheanire atuĩke mũira harĩ ndũrĩrĩ, na atuĩke mũtongoria o na mũnene harĩ cio.
• 5. Atĩrĩrĩ, rũrĩrĩ rũrĩa ũtoĩ nĩũkarũĩta, o naruo rũrĩrĩ rũrĩa rũtakũũĩ-rĩ, rũgũteng’eragĩre, nĩ ũndũ wa Jehova Ngai waku, o we Ũrĩa Mũtheru wa Isiraeli; nĩ gũkorũo nĩakũnenehetie.
• 6. Mathai Jehova hĩndĩ ĩrĩa angĩoneka, o na mũmũkaĩre hĩndĩ ĩrĩa arĩ hakuhĩ.
• 7. Mũndũ ũrĩa mwaganu nĩatigane na mĩthiĩre ĩo yake, nake mũndũ ũrĩa ũtarĩ mũthingu nĩatige kũrũmĩrĩra meciria macio make. Nĩacokerere Jehova, nake nĩekũmũiguĩra tha, nĩacokerere Ngai witũ, nĩ ũndũ nĩakĩragĩrĩria wohanĩri.
• 8. Nĩ gũkorũo meciria makwa timo meciria manyu, kana mĩthiĩre yanyu ĩgatuĩka ta mĩthiĩre yakwa; ũguo nĩguo Jehova ekuuga.
• 9. Tondũ-rĩ, o ta ũrĩa matu marĩa mairũ maraihanĩrĩirie na thĩ, ũguo noguo mĩthiĩre yakwa ĩraihanĩrĩirie na mĩthiĩre yanyu, o na meciria makwa magakĩra meciria manyu.
• 10. Nĩ ũndũ o ta ũrĩa mbura yuraga, o nayo tharunji ĩkoima igũrũ, na iticokaga kuo, tiga o gũtũma itũmaga thĩ ĩgĩe maĩ, na ĩciare, nayo mĩtĩ ĩthundũre, nake mũhandi aheo mbeũ, o na ũrĩa wendaga kũrĩa aheo irio ciake-rĩ,
• 11. ũguo noguo ũhoro ũrĩa ũkoima kanua gakwa ũgaikara; ũhoro ũcio ndũkanjokerera o ro ũguo tũhũ, no nĩ kũhingia ũkahingia ũndũ ũrĩa nyendete wĩkwo, na ũrute wĩra ũrĩa ndaũrekeirie, wagĩre wega.
• 12. Nĩ ũndũ nĩmũkoimagara na gĩkeno, na mũthiage mũtongoretio nĩ ũhoreri. Irĩma o na ithũngũri nacio nĩigaitĩkana na kũina irĩ mbere yanyu, o nayo mĩtĩ yothe ya gĩthaka nĩĩkahũrahũra hĩ.
• 13. Ithenya rĩa mĩigua-rĩ, gũkamera mĩthengera, na ithenya rĩa cong’e kũmere mĩhandathi; naguo ũhoro ũcio ũtuĩke wa gũtũma Jehova agĩe igweta, na ũtuĩke kĩmenyithia gĩa gũtũũra tene na tene kĩrĩa gĩtagacoka gũthengeka.

Home