Go Back

Isaia Chapter 4

• 1. Mũthenya ũcio-rĩ, andũ-a-nja mũgwanja makanyita mũndũ mũrũme ũmwe, mamwĩre atĩrĩ, Tũrĩrĩaga o irio ciitũ ithuene, na twĩhumbage o nguo ciitũ ithuene; wee reka o twĩtanagio nawe, ũtwehererie rũmena rũrĩa tũmenetwo.
• 2. Mũthenya ũcio-rĩ, thuuna ĩrĩa ya Jehova nĩĩgathakara na ĩgĩe riri, o namo maciaro ma thĩ nĩmakonagwo marĩ mega, na nĩmakaagĩra mũno nĩ ũndũ wa kũguna andũ arĩa mahonoketio a Isiraeli.
• 3. Na nĩgũgakinya atĩrĩ, atĩ mũndũ ũrĩa ũgakorũo atigĩtwo Zayuni, o nake ũrĩa ũgakorũo atigarĩte kũu Jerusalemu, agetagwo mwamũre, nake nĩ ũrĩa wothe wandĩkĩtwo wa arĩa maathĩrĩirio gũtũũra muoyo kũu Jerusalemu,
• 4. o hĩndĩ ĩrĩa Mwathani agakorũo athambĩtie gĩko kĩrĩa kĩũru kĩa airĩtu a Zayuni, o na akorũo ahorohetie thakame ĩrĩa yaitirũo Jerusalemu, yume kuo thĩinĩ, na ũndũ wa gũtuanĩra cira na kĩhooto, o na gũcinana, ta arĩ kĩhuhũkanio ahuhũkanĩtie.
• 5. Na rĩrĩ, Jehova nĩagatũma itu o na ndogo igĩe mũthenya igũrũ rĩa kũndũ guothe kũrĩa gũikarĩtwo nĩ andũ kĩrĩma-inĩ kĩu gĩa Zayuni, na kũrĩa kũũnganĩtwo; ningĩ atũme rũrĩrĩmbĩ rũa mwaki rũakane o kũu igũrũ ũtukũ; na igũrũ rĩa riri ũcio wothe gũkaarũo ta arĩ hema.
• 6. Ũguo nĩguo hagakĩgĩa gĩthũnũ gĩa kũrehe kĩĩruru mũthenya nĩ ũndũ wa ũrugarĩ wa riũa, na handũ ha kũũrĩra na ha kwĩgitia kĩhuhũkanio kĩa rũhuho o na mbura.

Home