Go Back

Rũĩmbo rũa Suleimani Chapter 6

• 1. Mwendwa waku kaĩ agĩthiĩte kũ, wee mũthaka kũrĩ andũ-a-nja arĩa angĩ othe? mwendwa waku eyerekeirie na kũ, nĩguo tũkĩmũcarie nawe?
• 2. Mwendwa wakwa-rĩ, nĩ mũgũnda wake aikũrũkĩrĩire, harĩa he mĩhonia ya mahuti manungi wega, athiĩte kũrĩithia kũu mĩgũnda, na gũtua mahũa.
• 3. Niĩ-rĩ, ndĩ wa mwendwa wakwa, nake nĩ wakwa: nĩ kũrĩithia ararĩithia mahũa-inĩ.
• 4. Ĩ mũrata wakwa, kaĩ ũrĩ mũthaka o ta kũrĩa gwĩtagwo Tiriza-ĩ! kwagĩra nĩwagĩrĩte o ta Jerusalemu, ũgakĩgĩa itua-nda o ta ita ii na ibebero!
• 5. Hũgũra maitho ũtige kũndora, amu-rĩ, nĩ kũ’hoota mekũ’hoota. Njuĩrĩ ciaku no ta rũũru rũa mbũri, ikomete ciĩaraganĩtie hũgũrũrũ-inĩ cia Gileadi.
• 6. Magego maku namo mahaana karũũru ka mĩatĩ, rĩrĩa yumĩte kĩanda gũthambio; nayo-rĩ, gũtirĩ ũtarĩ wa mahatha, na gũtirĩ o na ũmwe ũkuĩrĩirũo nĩ mũiruwe.
• 7. Thiithi waku ũhaana o ta gĩatũ gĩa itunda rĩĩtagwo ikomamanga ũkĩonerũo hau tama-inĩ ũcio wĩhumbĩte ũthiũ naguo.
• 8. Atumia a mũthamaki me kuo mĩrongo ĩtandatũ, ningĩ aka arĩa a thuriya mĩrongo ĩnana, o na airĩtu matangĩtarĩka.
• 9. Gatutura gaka gakwa-rĩ, ũyũ wakwa ũtarĩ gocuke-rĩ, we nowe wiki; nĩ mwana wa mũmwe wa nyina; nĩwe gĩtũnio gĩa ũcio mũmũciari. Andũ-a-nja maamuona, makĩmwĩta gakenia; ĩĩ-ni, atumia acio a mũthamaki na aka acio a thuriya maamuona magĩkĩmũkumia.
• 10. Mwarĩ ũyũ nĩ ũrĩkũ ũraikia maitho ta riũa gũgĩkĩa, na gũthakara athakarĩte ta mweri, na agakembũka ta riũa, na e na itua-nda o ta ita ii na ibebero?
• 11. Ndaikũrũkĩrĩire mũgũnda wa mĩkombokombo, ngarore tũmĩtĩ tũrĩa tũruru kũu gĩtuamba, nyone kana mũthabibu nĩũthundũrĩte, na kana mĩkomamanga nĩ mĩrutu kĩro.
• 12. O itaanamenya atĩ nĩ atĩa kũrĩ, ngoro yakwa ĩkĩ’menyithia atĩ ndĩ o gatagatĩ ka ngari cia makang’ũ ma kĩrĩndĩ giitũ.
• 13. Coka! coka, wee Mũshulamu ũyũ! coka! coka tũkwĩrorere! Mũkwenda kwĩrorera Mũshulamu ũyũ nĩkĩ, o ta arĩ rũĩmbo rũrĩa rũa Mahanaimu mũkwĩrorera?

Home