Go Back

Thimo Chapter 4

• 1. ARIŨ akwa, iguai ũtaarani wa ithe wanyu, thikĩrĩriai, nĩguo mwĩgĩĩre na mbuguĩro!
• 2. Amu ũhoro ũyũ ndĩramũruta nĩ mwega; menyai gũgatigana na kĩrĩra gĩakwa!
• 3. Thima-rĩ, niĩ ndarĩ mwana harĩ baba, mwana mwĩthĩ, o ũrĩa warĩ itote maitũ akĩnyona.
• 4. Baba nake nĩ kũnduta aandutaga, akanjĩra ũũ: Ngoro yaku ta nĩĩikare ĩkĩririkanaga ũhoro wakwa wega; menyagĩrĩra maathani makwa, nĩguo ũtũũre:
• 5. Gĩa na ũũgĩ-ũrĩa-wa-ma, gĩa na mbuguĩro; tiga gũkariganĩrũo, na ndũkanakerũre ũtigane na ciugo cia kanua gaka gakwa.
• 6. Menya gũgatigana na mũtumia ũcio wĩtagwo Ũũgĩ-wa-ma, nake no akũmenyagĩrĩre; mwendage, na nĩarĩkũgitagĩra.
• 7. Ũndũ wa mbere no ũũgĩ; kĩĩgĩĩre na ũũgĩ: ĩĩ-ni, kaba kũruta ũmathi waku wothe wĩgwatĩre mbuguĩro;
• 8. Mũtũũgĩrie, nake no agakwambatĩria; wamũhĩmbĩria-rĩ, agatũma ũtuĩke mũtĩe.
• 9. Agagwĩkĩra thũmbĩ ya ngoga mũtwe; thũmbĩ ĩrĩ ũthaka nĩyo agakũhe.
• 10. MŨRŨ wakwa, igua, na wĩtĩkĩre ciugo ciakwa, na mĩaka ya muoyo waku nĩ kũingĩha ĩgakĩingĩha.
• 11. Nĩnguonereirie gũthiĩ na njĩra ĩrĩa ya ũũgĩ-wa-ma, ngagĩkwerekeria mĩthiĩre-inĩ ĩrĩa mĩerekereru.
• 12. Rĩrĩa ũrathiĩ, makinya maku matingĩhĩngĩcwo, o na wateng’era, ndũrĩhĩngagwo.
• 13. Mũtumia ũyũ ũgwĩtwo Ũtaaro-rĩ, mwĩnyitagĩrĩre o na hinya; ndũkanamũrekie: mũgitagĩre, amu nĩwe mũgũtũũria muoyo.
• 14. Andũ arĩa aaganu-rĩ, ndũkanatonye na mũirigo wao; menya gũkanagera njĩra ya andũ arĩa oru.
• 15. Mĩthemage, ndũkanathiĩre hakuhĩ nayo; mĩhutatagĩre, ũkehĩtũkĩra.
• 16. Nĩ gũkorũo andũ acio matingĩkoma matekĩte ũndũ mũũru, na nĩmoragwo nĩ toro maakorũo matarĩ mũndũ matũmĩte agũe.
• 17. Tondũ irio iria marĩaga ciumaga o ũmaramari-inĩ, na ndibei ĩrĩa manyuaga nĩ ya ũgiginyani.
• 18. No rĩrĩ, mũthiĩre wa andũ arĩa athingu ũhaana ta ũtheri gũgĩkĩa, ũrĩa ũũkaga ũkĩnenehaga kinya mũthenya barigici.
• 19. Njĩra ya arĩa aaganu ĩhaana ta nduma nene; o matimenyaga kĩrĩa kĩamahĩnga.
• 20. MŨRŨ wakwa, thikĩrĩria ũhoro wakwa; inamĩrĩria gũtũ ũkĩigue ciugo iria nguuga.
• 21. Ndũkanareke ithenge maitho-inĩ maku; ciikaragie ngoro-inĩ yaku o gatagatĩ.
• 22. Amu harĩ arĩa magĩĩte nacio ii na muoyo, na igekĩra mwĩrĩ wao wothe ũgima.
• 23. Makĩria ma wĩgitĩri waku wothe, wĩgitagĩre ngoro, nĩ gũkorũo ihumo cia muoyo nĩ na thĩinĩ wayo irĩ.
• 24. Ĩthengerie kanua ke ndeto hotomu, mĩromo mĩhĩtanu-rĩ, mĩeherie haraya nawe.
• 25. Maitho maku ta nĩmarorage o na mbere, imone ciaku nĩcierekagĩre na mbere yaku wega.
• 26. Araganagia wega ũthiĩro wa magũrũ maku, njĩra ciaku ciothe ikoragwo ikindĩirũo.
• 27. Menya ũkehũka na mwena wa ũrĩo kana wa ũmotho; kinyũkagia kũgũrũ kuume ũũru-inĩ.

Home