Go Back

Thimo Chapter 22

• 1. Kaba mũndũ ethurĩre kũgĩa na igweta rĩega gũkĩra ũtonga mũnene; kwendeka nĩ kwega kũrĩ betha na thahabu.
• 2. Itonga na ngĩa nĩmatũnganaga hamwe; mũũmbi wao othe no Jehova.
• 3. Mũndũ mũbarĩrĩri onaga gũkĩgĩa ũũru, akehitha, no arĩa matarĩ ogĩ mathiagĩrĩra o na mbere, magakĩya kũhera.
• 4. Ngerenwa ya kwĩnyihia na gwĩtigĩra Jehova nĩ ũtonga, na gĩtĩo, na muoyo.
• 5. Njĩra ya arĩa aremi ĩĩ na mĩigua na mĩtego; mũndũ mwĩmenyereri ngoro yake ndangĩkuhanĩrĩria nakuo.
• 6. Menyeria mwana njĩra ĩrĩa aagĩrĩirũo nĩ gũthiĩra, na nde hingo akoima yo o na aakũra.
• 7. Mũtongu nĩ mwathi wa ũrĩa mũkĩa, na muohori nĩ ngombo ya mũmuohoreri.
• 8. Ũrĩa ũhuraga wogogi, kĩrĩa akagetha nĩ ndirũ; rũthanju rũrĩa ehanagĩra naruo nĩ kuunĩka rũkoinĩka.
• 9. Ũrĩa wa riitho rĩa ũtana, we nĩarĩrathimagwo, tondũ nĩagayagĩra arĩa aagi irio ciake.
• 10. Ingata mũndũ ũrĩa mũtendi, namo matetania no meyumĩre nja; ngarari o na hũhi no hingo ingĩthira.
• 11. Ũrĩa wenda ũkembu wa ngoro-rĩ, tondũ wa uuma-andũ wa mĩromo yake, mũthamaki no gũtuĩka mũratawe.
• 12. Mũndũ wĩ na ũmenyi, maitho ma Jehova nĩmamũmenyagĩrĩra, ĩndĩ ũrĩa mũgarũ, ũhoro wake nĩ gũturũra aũturũraga.
• 13. Kĩgũta kiugaga atĩrĩ, Thome kwĩ na mũrũthi; barabara-inĩ-rĩ, no kũũragĩrũo kuo.
• 14. Tũnua twa aka a kwene nĩ irima iriku mũno: mũndũ mũrakarire nĩ Jehova no agũe thĩinĩ warĩo.
• 15. Ngoro ya mwana ĩthaĩkanĩtio na ũrimũ, ĩndĩ rũcamiũ rũa kũherithania no rũũingate haraya nake.
• 16. Ũrĩa ũhinyagĩrĩria arĩa ahũthũ nĩ getha eongerere indo, o na ũrĩa wĩtegithagia matega gwa itonga, erĩ gũtirĩ ũtagatuĩka mũnyamari.
• 17. INAMĨRĨRIA gũtũ ũigue mohoro ma andũ arĩa ogĩ, ngoro yaku ta mĩerekerie na harĩ ũmenyi ũyũ wakwa.
• 18. Amu nĩ wega mũno ũngĩtũũria maũndũ macio thĩinĩ waku, magagĩkoragwo mehandĩte mĩromo-inĩ yaku.
• 19. Wee nĩwe ndĩramenyithia mo mũthenya o ũyũ tũrĩ, nĩ getha ũtuĩke wa kwĩhokaga Jehova.
• 20. Anga ti maũndũ me bata ngwandĩkĩire makoniĩ kĩrĩra o na ũmenyo,
• 21. O ma gũkũmenyithia ciugo cia ma, o iria njĩhokeku, nĩguo ũcokerere agũtũmi ũrĩ na ciugo iria cia ma?
• 22. Menya ũgatunya mũndũ mũhũthũ kĩndũ gĩake nĩ ũndũ nĩ mũhũthũ, kana ũhinyĩrĩrie mũndũ mũthĩnie mwacira thome-inĩ,
• 23. Nĩ amu Jehova nĩwe ũgatuĩka mũmacirĩrĩri, na acume amacumi amatunye mĩoyo yao.
• 24. Ndũkanatume ndũgũ na mũndũ ũhiũhaga kũrakara; mũndũ wa marũrũ-rĩ, tiga gũkanathiĩ thiritũ nake.
• 25. Nĩ getha ndũkae kwĩruta mĩtugo yake, ngoro yaku ĩkĩgwatwo nĩ mũtego.
• 26. Ndũkanatuĩke wa arĩa mang’athanagĩra, arĩa matuĩkaga mathenya ma andũ angĩ nĩ ũndũ wa mathirĩ.
• 27. Ũngĩgakĩaga gĩa kũrĩha nakĩo-rĩ, ĩ, kĩo nĩ kĩ kĩngĩtũma ũtunyũo ũrĩrĩ ũrĩa ũkomaga?
• 28. Menya gũkanakũũra mũtĩ wa ndĩĩra wa mũhaka ũrĩa wahandirũo nĩ aa thoguo.
• 29. Wĩ mũndũ wonaga mũruti wĩra wake na kĩyo? ũcio-rĩ, agatuĩka wa kũrũgamaga harĩ athamaki; ti wa gũkarũgamaga harĩ andũ arĩa matoĩo.

Home