Go Back
Thaburi Chapter 67
- 1. NGAI arotũkinyĩria wega wake, agĩtũrathime,
arotũma ũthiũ wake ũtũũre ũtwarĩire;
- 2. Nĩguo njĩra yaku, Ngai, ĩmenyũo gũkũ thĩ,
ũhonokania waku ũkĩoneke ndũrĩrĩ-inĩ ciothe.
- 3. Irĩndĩ cia thĩ, Ngai, irogũcokeria ngatho;
ũrogathagwo nĩ ndũrĩrĩ cia thĩ ciothe.
- 4. Ndũrĩrĩ gũkena nĩikene, o na ikũngũyagie nĩ gũkena,
tondũ wee ũrĩciragĩra irĩndĩ o ũrĩa kwerekereire,
ndũrĩrĩ cia gũkũ thĩ ũtuĩke mũtongoria wacio.
- 5. Irĩndĩ cia thĩ, Ngai, irogũcokeria ngatho;
ũrogathagwo nĩ ndũrĩrĩ cia thĩ ciothe.
- 6. Thĩ nĩĩrutĩte uumithio wayo;
Ngai, o we Ngai witũ, nĩatũrathimĩte.
- 7. Kũrathima, Ngai no arĩtũrathimaga;
ituri ciothe cia thĩ igĩtuĩke cia kũmwĩtigĩra.
Home