Go Back

Thaburi Chapter 60

• 1. Ĩ NGAI, nĩ gũte ũtũteete; kũmomora nĩũtũmomorete; ũrarĩ na marakara: ĩtĩkĩra gũtũcokereria.
• 2. Nĩũtũmĩte bũrũri ũthingithe; gwatũra nĩũwatũrĩte: thondeka mĩatũka yaguo, amu nĩũrenyenya.
• 3. Kĩrĩndĩ gĩaku nĩũkĩonetie maũndũ maritũ; ũtũnyuithĩtie ndibei ĩrĩa ya gũtũgũgania.
• 4. Andũ arĩa agwĩtigĩri nĩũmaheete kĩbebero, no getha more monana na arathi na ũta.
• 5. Nĩguo endwa aku matharũo ũũru-inĩ-rĩ, honokania na guoko gwaku kwa ũrĩo, ũgĩtwĩtĩke.
• 6. Ngai nĩaarĩtie arĩ na ũtheru wake, akoiga, Ngũkena, ngenũrũrũke! bũrũri wa Shekemu nĩngũwatũrania, o na ’thimanĩre gĩtuamba gĩa Sukothu.
• 7. Gileadi nĩ gwakwa, o na Manase no gwakwa; Efiraimu nakuo nĩkuo mwĩgito wa mũtwe wakwa; Juda nĩ mũthĩgi wakwa wa ũthamaki.
• 8. Moabi nĩ rũgĩo rũakwa rũa gwĩthambĩra; na harĩ Edomu-rĩ, nĩ kĩratũ gĩakwa ndĩrĩikagia: wee Filisitia, kayũrũrũka nĩ ũndũ wakwa.
• 9. Nũ ũkũnginyia thĩinĩ wa gĩtũũro kĩrĩa kĩirige? nũ ũngĩkĩndwara o kũu Edomu?
• 10. Githĩ tiwe, wee Ngai, o wee ũtũteete, nacio ita ciitũ, Ngai, ũkaaga gũũkanĩria nacio?
• 11. Gĩtũteithie harĩ ũrĩa wĩ muku na ithuĩ, thima nĩ tũhũ kwĩhoka ũhonokania wa andũ.
• 12. Tondũ wa hinya wa Ngai no twĩke maũndũ ma ũcamba, amu nĩwe ũgaterema a-muku aitũ.

Home