Go Back

Thaburi Chapter 53

• 1. MŨNDŨ ũrĩa ũtarĩ mbuguĩro etuĩrĩire atĩrĩ, na ngoro, atĩ Gũtirĩ Ngai. O nĩ gũthũkia mathũkĩtie ciĩko ciao; nĩ wogogani mekaga, o ũrĩa wĩ magigi; gũtirĩ o na ũmwe wĩkaga wega.
• 2. Ngai nĩaacũthĩrĩirie ciana cia kĩrĩndĩ arĩ igũrũ, arore kana nĩkũrĩ o mũndũ mũũgĩ, mũndũ ũrongoragia Ngai.
• 3. Othe-rĩ, gũtirĩ ũtacokete na thutha; nĩ kũbutha mabuthĩte othe hamwe; gũtikĩrĩ wĩkaga wega, gũtirĩ o na ũmwe.
• 4. Kaĩ matarĩ na ũmenyo, acio eki maũndũ ma waganu, acio marĩaga andũ akwa o ta ũrĩa marĩaga irio, na Ngai matimũthathayagia?
• 5. Hau kaĩ nĩmaakĩnyitirũo nĩ guoya mũnene-ĩ, kũndũ gũtaarĩ na guoya: amu ũcio mũgwakĩrĩri iraaro cia ita, Ngai nĩakĩhurunjũrĩte mahĩndĩ make; andũ acio gũconora nĩũmaconorete, nĩ ũndũ Ngai nĩamaregete.
• 6. Na arĩ korũo kũhonokio gwa Isiraeli nĩ gũkinyu, kuuma Zayuni! Ngai aagarũra gũtahwo gwa kĩrĩndĩ gĩake kĩinũke-rĩ, nĩrĩo Jakubu agacanjamũka, norĩo Isiraeli agakena.

Home