Go Back

Thaburi Chapter 42

• 1. O TA thwariga rĩrĩa ĩraanĩria ithima cia maĩ-rĩ, no taguo ngoro yakwa ĩrakwanĩria, wee Ngai.
• 2. Ngoro yakwa nĩ Ngai ĩnyoteire, o we Mũrungu ũrĩa wĩ muoyo: ĩ nĩ rĩ ngagĩkinya nyoneke harĩ Ngai?
• 3. Maithori makwa matuĩkĩte nĩmo irio ciakwa mũthenya o na ũtukũ, ngĩikaraga o ngĩũrio, Akĩrĩ kũ, Ngai waku?
• 4. Maũndũ maya no ngũmaririkana ngĩmeciragia ngoro-inĩ yakwa, ngakĩririkana ũrĩa ndathiaga na kĩrĩndĩ, ngĩgĩcoorithagia o nginya nyũmba-inĩ ya Ngai, tũrĩ na mũgambo wa gũkũngũiya, na wa ngatho, tũrĩ o rũkundi rũa gũtinda thigũ-kũũ.
• 5. Wee, ngoro yakwa-rĩ, ũkĩinamĩte nĩkĩ? na nĩkĩ gĩtũmĩte ũcakae thĩinĩ wakwa? wĩrĩgagĩrĩre o Ngai: amu no ndĩĩmũcokeria ngatho nĩ ũndũ wa ũhonokio wa gĩthiithi gĩake.
• 6. Ĩ Ngai, ngoro yakwa nĩ nyinamu gũkũ thĩinĩ wakwa: nĩkĩo ngũkũririkana ndĩ bũrũri ũyũ wa Jorodani, mwene irĩma cia Herimoni, o karĩma-inĩ ka Mizari.
• 7. Ndia ĩmwe nĩĩreta ndia ĩrĩa ĩngĩ na mũgambo wa mũrurumo wa ndurumo ciaku cia maĩ; ndihũ ciaku ciothe, o gwata makũmbĩ, ciũkĩte ika’huba.
• 8. No rĩrĩ, mũthenya, Jehova nĩ ũtugi wake arĩwathagĩrĩra harĩ niĩ, na ũtukũ nĩ rũĩmbo ndĩĩraaraga ngĩmũinĩra, o rũa kũhoya, ngahoyaga Mũrungu, o we mwene muoyo wakwa.
• 9. Ngũũria Mũrungu, we rũaro rũakwa rũa ihiga, atĩrĩ, Nĩ ũndũ kĩ ũriganĩirũo nĩ niĩ? ’thiaga ndĩ na kĩeha nĩkĩ nĩ ũndũ wa kũhinyĩrĩrio nĩ thũ?
• 10. Nĩ ta ngũmemendwo mahĩndĩ rĩrĩa a-muku akwa mekũ’herekia, magĩtindaga makĩnjũria, Akĩrĩ kũ, Ngai waku?
• 11. Wee, ngoro yakwa-rĩ, ũkĩinamĩte nĩkĩ? na nĩ kĩ gĩgũtũma ũcakae thĩinĩ wakwa? wĩrĩgagĩrĩre o Ngai: amu no ndĩĩmũcokeria ngatho, arĩ we ũhonokio wa gĩthiithi gĩakwa, o na nowe Ngai wakwa.

Home