Go Back

Thaburi Chapter 28

• 1. WEE, Jehova-rĩ, nĩ harĩ wee ngũkaya; wee, ndũmba yakwa ya ihiga, ndũkeĩ’hingĩre matũ: gũtigagĩtuĩke atĩ, watuĩka mũngirĩri, ndahaana ta arĩa a gũtonya irima.
• 2. Igua mũgambo wakwa wa gũgũthaitha ngĩkũrĩragĩra, ndakĩara hĩ ndĩcierekeirie na kũu gwaku kwamũre o harĩa ha thĩinĩ.
• 3. Ndũkangucũrũranĩrie na andũ arĩa amaramari, atĩ ũndwaranĩrie na andũ arĩa eki maũndũ ma waganu-ĩ, arĩa maaragia ndeto cia thayũ na andũ arĩa angĩ, na marĩ o na ũũru ngoro.
• 4. Acio kĩmahe kĩrĩa kĩringaine na wĩki wao, kũringana o na ũũru wa maũndũ macio mekaga; mahe o kũringana na wĩra wa moko mao; ũkĩmathukĩre o ũrĩa maagĩrĩirũo.
• 5. Tondũ o matirũmbũyagia mawĩko ma Jehova, o na kana wĩra wa moko make-rĩ, we no gũtharũria akamatharũria ti gwaka akamaaka.
• 6. Jehova arogathwo, nĩ ũndũ nĩaiguĩte mũgambo wakwa wa kũmũthaitha.
• 7. Jehova-rĩ, nĩwe hinya wakwa na nowe ngo yakwa; ngoro yakwa nĩwe ĩĩhokete, na ndĩ mũteithĩku: tondũ ũcio ngoro yakwa ĩgagĩkengeũka mũno, na nĩ ngatho ndĩĩmũcokagĩria na rũĩmbo.
• 8. Jehova nowe hinya wa andũ ake, na harĩ ũrĩa wake mũitĩrĩrie-maguta nĩ kĩirigo kĩa hinya kĩa ũhonokio.
• 9. Kĩhonokie kĩrĩndĩ gĩaku; ũkĩrathime igai rĩrĩ rĩaku; o na kũrĩithia ũkĩrĩithagie, na ũgĩkuuage tene o na tene.

Home