Go Back

Thaburi Chapter 24

• 1. THĨ nĩ ya Jehova, o na indo iria ciiyũire kuo; mabũrũri mothe, o gwata arĩa matũire mo.
• 2. Tondũ we nĩwe wakĩte gĩtina kĩayo maria-inĩ, agakĩmĩrũmia ĩikaire maĩ igũrũ.
• 3. Nũ ũngĩambata kĩrĩma kĩa Jehova? nũ ũngĩkĩrũgama harĩa hake haamũre?
• 4. No ũrĩa wĩ na moko matheru, na akaaga ũũru ngoro; ũrĩa ũteriragĩria ũndũ ũrĩa ũtarĩ guo, ningĩ ndarĩ ehĩta na ũhinga.
• 5. Ũcio nĩwe wa kwamũkĩra kĩrathimo harĩ Jehova, akĩamũkĩre ũthingu harĩ Ngai mwene ũhonokio wake.
• 6. Kĩu nĩkĩo gĩthemba kĩa arĩa mamũmathaga, arĩa marongoragia ũthiũ waku, wee Ngai wa Jakubu.
• 7. Ĩambarariei na igũrũ, ihingo ici! kĩĩoererei, mĩromo ĩno ya ndĩrĩri: Mũthamaki wa riri atonye!
• 8. Mũthamaki wa riri nĩwe ũ? Nĩwe Jehova, ũrĩa ũrĩ hinya na nĩ njamba, nĩ Jehova ũrĩa njamba ya ita.
• 9. Ĩambarariei na igũrũ, ihingo ici! kĩĩoererei, mĩromo ĩno ya ndĩrĩri: Mũthamaki wa riri atonye!
• 10. Mũthamaki wa riri nĩwe ũ? Jehova mwene mbũtũ cia ita-rĩ, nowe Mũthamaki wa riri.

Home