Go Back

Thaburi Chapter 2

• 1. NDŨRĨRĨ nĩ kĩ gĩtũmĩte ithogonjeke? nĩ ũndũ kĩ irĩndĩ iranogona na ũhoro wa tũhũ?
• 2. Athamaki a thĩ megwĩkinyĩra, anene-rĩ, nĩ kũrĩkanĩra mararĩkanĩra, atĩ mareme Jehova, na mareme ũrĩa wake mũitĩrĩrie-maguta,
• 3. Makoiga, Nĩtũgĩtuei mĩkwa yao, mĩhĩndo yao tũmĩte, tuumwo nĩyo!
• 4. Ũrĩa ũikarĩire gĩtĩ matu-inĩ no gũtheka aratheka, we Mwathani-rĩ, nĩ kũmakenerera aramakenerera.
• 5. Rĩrĩ rĩngĩ no amaarĩrie na marakara make, amatebebie nĩ ũrĩa arũrĩte:
• 6. Niĩ nĩ niĩ ngĩigĩte mũthamaki wakwa kĩrĩma gĩa Zayuni igũrũ, o kĩu gĩakwa kĩamũre.
• 7. Nĩngũkiumbũra itua ũrĩa rĩatuirũo: Jehova aanjĩrire atĩrĩ, Wee nĩwe mũriũ wakwa; niĩ ũmũthĩ nĩndagũciara.
• 8. ’Hoya, na nĩngũkũhe ndũrĩrĩ ituĩke igai rĩaku, nginya o ituri cia thĩ gũtuĩke gwaku kĩũmbe.
• 9. Wee no ũciunange na njũgũma ya kĩgera; kũmemenda ũcimemende ta nyũngũ ya mũmĩũmbi.
• 10. Tondũ ũcio, no kĩũhĩgei, athamaki aya; inyuĩ atua-cira gũkũ thĩ, taarĩkani.
• 11. Tungatĩrai Jehova mũkĩmwĩtigagĩra, na mũcanjamũke o mũkĩinainaga.
• 12. Mumunyani mũriũ, ndagakĩrakare mũthirĩre njĩra, thima marakara make maahota gwakana o narua. Gũkena-rĩ, nĩ arĩa othe megiritagia harĩ we.

Home