Go Back

Thaburi Chapter 142

• 1. NGŨKAĨRA Jehova na mũgambo; nĩ gũthaitha ngũgĩthaitha Jehova o na mũgambo.
• 2. Ũhoro ũrĩa ũranjaithia ngũũitũrũra mbere-inĩ yake; nĩ kũmuonia ngũmuonia mĩnyamaro ĩrĩa ndĩ nayo.
• 3. Rĩrĩa ngoro yakwa ĩrahooteka thĩinĩ wakwa, wee nĩũkoragwo ũũĩ harĩa ngũgera. Njĩra-inĩ harĩa ngũthiĩra nĩmanyimbĩire mũtego;
• 4. Ta rora mwena wakwa wa ũrĩo, wone, amu hatirĩ mũndũ o na ũmwe ũngĩndua; nĩ gũkĩaga njagĩte rĩangĩro; muoyo wakwa gũtirĩ mũndũ ũngĩũcaĩra.
• 5. Wee, Jehova, nĩwe ngayagĩra; njugaga atĩrĩrĩ, Wee nowe irahĩro rĩakwa, nĩwe rũgai rũakwa bũrũri-inĩ wa arĩa me muoyo.
• 6. Thikĩrĩria mũkayo wakwa, amu kũhinya nĩ’hinyĩte mũno; ndeithũra harĩ arĩa mathingatanĩte na niĩ, nĩ gũkorũo nĩ nding’ũri kũngĩra.
• 7. Ruta ngoro yakwa kĩoho-inĩ, ngĩcokerie rĩĩtwa rĩaku ngatho: andũ arĩa athingu nĩmaga’thiũrũrũkĩria, tondũ wa ũrĩa ũnjĩkĩte wega.

Home