Go Back

Thaburi Chapter 130

• 1. JEHOVA, ngũkaĩire ndĩ o kũrĩa kũriku mũno.
• 2. Mwathani, kĩigue mũgambo wakwa, ta kĩreke matũ maku mathikĩrĩrie mũgambo wakwa wa gũgũthaitha.
• 3. Wee, Jehova-rĩ, ũngĩtindaga ũkĩgera mawaganu, nũ, Mwathani, ũngĩgĩĩtiirĩrĩria?
• 4. No rĩ’, harĩ wee he na wohanĩri, nĩguo ũgĩtũũre wĩtigĩrĩtwo.
• 5. Ndũire o njetereire Jehova, ngoro yakwa ĩkamwetagĩrĩra, ngerĩgĩrĩra ũhoro ũrĩa aanoiga.
• 6. Ngoro yakwa ĩroragĩrĩria Mwathani gũkĩra ũrĩa arangĩri maroragĩrĩria gũkĩe, ĩĩ-ni, gũkĩra ũrĩa arangĩri maroragĩrĩria gũgĩkĩe.
• 7. Ĩ Isiraeli-ĩ, wĩrĩgagĩrĩre o Jehova, amu Jehova-rĩ, harĩ we he na ũtugi, ningĩ harĩ we harĩ o na ũkũũri mũingĩ.
• 8. Na gũkũũra nĩwe ũgekũũrĩra Isiraeli harĩ mawaganu make mothe.

Home