Go Back

Thaburi Chapter 12

• 1. TŨHONOKIE, Jehova; amu andũ arĩa aigua-Ngai nĩ aninũku; amu-rĩ, andũ ehokeku nĩ ahuku thĩinĩ wa ciana cia kĩrĩndĩ.
• 2. Kwaragio o ũhoro ũrĩa ũtarĩ guo nĩ mũndũ na ũrĩa ũngĩ; gũkaario gũkĩanjanjanagwo na mĩromo, na andũ marĩ o na ngoro igĩrĩ.
• 3. Mĩromo ĩo yothe yanjanjanaga, Jehova aromĩtinia, o naruo rũrĩmĩ rũu rũaragia na mwĩgũgũmo!
• 4. Nĩ ũrĩa moigĩte atĩrĩ, Rũrĩmĩ ruitũ nĩruo tũrĩĩhootanagĩra naruo; mĩromo ĩno twĩ nayo no iitũ: mwathi witũ akĩrĩ ũ?
• 5. Tondũ wa ũrĩa athĩni magũmagio, ningĩ tondũ wa gũcaya gwa acio anyamari-rĩ, rĩu nĩngũkĩarahũka, nĩguo Jehova ekuuga; ũrĩa ũtũire atembagwo, ngũmũiga harĩa hatarĩ ũgwati.
• 6. Ciugo cia Jehova nĩ ciugo thuranĩre; itherete ta betha ĩrĩa ĩthereirio kĩrugutĩro-inĩ ĩkanyũrũrũka thĩ, betha ĩkembetio maita mũgwanja.
• 7. Wee, Jehova, nĩwe ũrĩmamenyagĩrĩra, ũrĩmarindagĩrĩra harĩ rũciaro rũrũ o nginya tene.
• 8. Mbarĩ ciothe gũcangacangagwo nĩ arĩa aaganu rĩrĩa gũtũũgĩrĩtio waganu gwa ciana cia kĩrĩndĩ.

Home