Go Back

Thaburi Chapter 115

• 1. TI ITHUĨ, Jehova, ti ithuĩ wagĩrĩirũu nĩ kũgoocithia, no rĩrĩ, kĩgoocithie rĩĩtwa rĩaku o rĩo, ũkĩmenyeke ũtugi waku, o na wĩhokeku ũrĩa wĩ naguo.
• 2. Nĩ kĩ kĩngĩgĩtũma andũ a ndũrĩrĩ moragie, Ngai wao-rĩ, akĩrĩ ha?
• 3. Na rĩrĩ, Ngai witũ arĩ o igũrũ; o ũrĩa endaga gwĩka noguo ekaga.
• 4. Mĩhianano ĩo yao no betha na thahabu, o wĩra wa moko ma andũ.
• 5. Tũnua ĩĩ natuo, na ndĩaragia; maitho ĩĩ naano, na ndĩonaga;
• 6. Ĩĩ na matũ, na ndĩiguaga; ĩĩ na maniũrũ, na ndĩngĩigua mũnungo;
• 7. Ĩrĩ o na moko, na ndĩngĩnyita kĩndũ; ĩĩ na magũrũ, na ndĩngĩĩtwara; o na kũnyuria ndĩngĩnyuria na mĩmero yayo.
• 8. Arĩa mamĩthondekaga nĩ kũhaana makahaana o tayo; ĩĩ-ni, mũndũ o wothe ũmĩĩhokaga.
• 9. Wee Isiraeli-rĩ, ĩhokage o Jehova! nĩwe ũteithio wao, o na nowe ngo yao.
• 10. Inyuĩ nyũmba ya Haruni-rĩ, wĩhokagei o Jehova! nĩwe ũteithio wao, o na nowe ngo yao.
• 11. Inyuĩ etigĩri Jehova-rĩ, wĩhokagei o Jehova! nĩwe ũteithio wao, o na nowe ngo yao.
• 12. Jehova nĩatũririkanĩte; nĩarĩtũrathimaga: nyũmba ya Isiraeli-rĩ, nĩarĩmĩrathimaga; nyũmba ya Haruni-rĩ, nĩarĩmĩrathimaga.
• 13. O acio etigĩri Jehova-rĩ, no arĩmarathimaga, arĩa matarĩ igweta o gwata arĩa marĩ.
• 14. Jehova aromuongerera, inyuĩ o na ciana cianyu!
• 15. Inyuĩ mũrĩ arathime nĩ Jehova, ũrĩa wombire igũrũ na thĩ.
• 16. Igũrũ-rĩ, rĩo rĩene nĩ rĩa Jehova, nayo thĩ nĩ kũhe aheete ciana cia kĩrĩndĩ.
• 17. Arĩa akuũ matigoocaga Jehova, gwata arĩa othe maikũrũkaga kũu ũkiri-inĩ;
• 18. No ithuĩ-rĩ, nĩ ithuĩ tũrĩgathaga Jehova kuuma rĩu kinya o tene na tene. Goocai Jehova!

Home