Go Back

Thaburi Chapter 113

• 1. GOOCAI Jehova! Mũgoocei, inyuĩ ndungata ici cia Jehova, kĩgoocei rĩĩtwa rĩa Jehova.
• 2. Rĩĩtwa rĩa Jehova rĩrotũũra rĩgathagwo kuuma rĩu nginya tene na tene.
• 3. Kuuma o irathĩro rĩa riũa nginya o ithũĩro rĩarĩo, rĩĩtwa rĩa Jehova rĩagĩrĩire o rĩgoocagwo.
• 4. Jehova-rĩ, atũũgĩrĩte igũrũ rĩa ndũrĩrĩ ciothe, riri wake nĩ mũhĩtũku o igũrũ rĩa igũrũ.
• 5. Nũ ũhaana ta Jehova Ngai witũ, ũcio wĩtũũgĩrĩire e kũu aikaire,
• 6. O ũcio wĩnyihagia arorererie maũndũ ma igũrũ o na ma gũkũ thĩ?
• 7. Gũũkĩria nĩokĩragia mũndũ ũrĩa mũhũthũ, akamũruta tĩri-inĩ, o ũcio mwagi-rĩ, agakĩmuoya akamũruta kĩara-inĩ;
• 8. Agatũma aikaranagie na anene, o ro hamwe na anene a kĩrĩndĩ kĩao.
• 9. Atũmaga mũtumia arĩ thata agĩe na nyũmba, agatuĩka nyina wa ciana, agakenaga. Goocai Jehova!

Home