Go Back

Thaburi Chapter 112

• 1. GOOGAI Jehova! Gũkena nĩ mũndũ ũrĩa mwĩtigĩri Jehova, ũrĩa wĩkenagĩra o mũno nĩ ũndũ wa maathani make.
• 2. Mbeũ yake ĩrĩtuĩkaga o ing’ara bũrũri-inĩ; andũ arĩa arũngĩrĩru, rũciaro rũao nĩ kũrathimwo rũrĩrathimagwo.
• 3. Gwake gũikaraga kwĩ na ũrugarĩ o na ũtonga, naguo ũthingu wake ũtũũraga wĩ mũrũmu o kinya tene.
• 4. Acio arũngĩrĩru-rĩ, nĩmoimagĩrĩrũo nĩ ũtheri me nduma-inĩ; o mũndũ muuma-andũ na wĩ na matha maingĩ na nĩ mũthingu.
• 5. Mũndũ ũrĩa wĩkanaga uuma-andũ na akohoranĩra, ũcio no wega onaga, o ũrĩa ũtabaragĩra maũndũ make na kĩhooto.
• 6. Amu gũtirĩ hingo angĩenyenyeka; mũndũ mũthingu nĩ wa gũtũũra aririkainwo o kinya tene.
• 7. Ndangĩĩtigĩra ũhoro ũrĩa angĩigua mũũru; ngoro yake nĩĩĩkindĩire, ĩgakĩĩhoka o Jehova.
• 8. Ngoro yake nĩ nũmie, ndangĩigua guoya, kinya akona ũrĩa endete harĩ arĩa me muku nake.
• 9. Nĩatũire aitangaga, akaheaga arĩa aagi; ũthingu wake ũtũũraga ũrũmĩte o kinya tene; rũhĩa rũake no rũikarage rũambaraire nĩ ũrĩa ekĩrĩirũo.
• 10. Mũndũ ũrĩa mwaganu arĩonaga ũguo, ngoro yake ĩthite; arĩhagaranagia magego, rĩrĩ rĩngĩ airĩrie; acio aaganu-rĩ, merirĩria mao no gũtoma magatoma.

Home