Go Back

Thaburi Chapter 111

• 1. GOOCAI Jehova! Ngũcokeria Jehova ngatho na ngoro yakwa yothe, ndundu-inĩ ya arĩa arũngĩrĩru, o na kĩũngano-inĩ.
• 2. Mawĩko ma Jehova-rĩ, nĩ manene mũno, nĩ ma gwĩcũranagio nĩ arĩa othe mekenagĩra nĩ ũndũ wamo.
• 3. Wĩra wake nĩ mũtĩĩku o na nĩ mũkaru, naguo ũthingu wake ũtũũraga wĩ mũrũmu o kinya tene,
• 4. Atũmĩte maũndũ make ma magegania matuĩke ma kũririkanagwo: Jehova-rĩ, nĩ muuma-andũ na nĩ wa matha maingĩ.
• 5. Atũire aheaga amwĩtigĩri gĩa kũrĩa; kĩrĩkanĩro gĩake egũtũũra akĩririkaine o kinya tene.
• 6. Nĩonirie kĩrĩndĩ gĩake ũrĩa mawĩko make me na hinya, nĩ gũkĩhe magai marĩa maarĩ ma ndũrĩrĩ.
• 7. Mawĩko ma moko make nĩ maũndũ ma ma, na ma kĩhooto; mataaro make mothe no marĩa mehokeku.
• 8. Nĩ kũrũmio marũmĩtio kinya tene na tene, nĩ gũtuwo matuĩtwo na ma o na ũrũngĩrĩru.
• 9. Nĩakinyĩirie kĩrĩndĩ gĩake ũkũũri, kĩrĩkanĩro gĩake agagĩĩkĩra watho gĩtuĩke kĩa mĩndĩ na mĩndĩ: rĩĩtwa rĩake nĩ rĩamũre na ningĩ nĩ rĩa gwĩtigĩrũo.
• 10. Gwĩtigĩra Jehova nĩkuo kĩrutĩrĩrio kĩa ũũgĩ-ũrĩa-wa-ma; arĩa othe eki maũndũ makuo nĩ ũgerereri mwega me naguo: ũkumio wake-rĩ, ũtũũraga wĩ mũrũmu o kinya tene.

Home