Go Back

Ayubu Chapter 21

1. HĨNDĨ ĩo Ayubu agĩcokia akiuga atĩrĩ,
2. Ta thikĩrĩriai ũhoro wakwa mũũrũmbũiye wega; naguo ũtuĩke nĩguo mũthathaĩre wanyu.
3. Njĩtĩkĩriai, na niĩ njarie; na ndarĩkia kwaria, wee no gĩcoke ũ’nyũrũragie.
4. Niĩ-rĩ, kaĩ mũũĩ nĩ andũ ndĩratetera? nĩ kĩ kĩngĩkĩgiria nemwo nĩ gũkirĩrĩria?
5. Njerekai mũigue, mũgege, na kwĩhumba mwĩhumbe kanua na guoko.
6. O ndaririkana ũhoro ũcio-rĩ, no kũmaka ’makaga, na ngethithimũkwo nĩ mwĩrĩ.
7. Nĩ rĩ, andũ arĩa aaganu marekagwo matũũre muoyo nĩkĩ, na makaya gũkũra, ĩĩ, o na magakĩragĩrĩria ũhoti?
8. Mbeũ yao nĩĩgwataga hinya kũu marĩ, makamĩonaga, rũciaro rũu rũao rũgakĩĩhanda mbere-inĩ ya maitho mao.
9. Mĩciĩ yao ĩikaraga ĩhoroheirũo, gũtikinyaga ũndũ ũrĩ guoya, o na rũcamiũ rũa Ngai rũtimahutagia.
10. Njamba ciao cia ndegwa itihĩtagĩra kũgwatia, nacio mori ciao iciaraga na gũtirĩ ĩngĩhuna.
11. Twana twao rĩrĩa maatwĩra tuumagare nĩ tũingĩ o ta rũũru, na ciana ciao iria nenanene nĩitũhatũhaga.
12. Nao ene kũina nĩmainaga, makĩhũraga tũhembe, na inanda cia mũgeto, na magakenagio nĩ kayũ ka mũtũrirũ.
13. Makinyagia matukũ mao o monaga maũndũ mega, magacoka makaharũrũka kwa ngoma o narua.
14. Na no-o merire Mũrungu atĩrĩ, Thiĩ, tigana na ithuĩ! nĩ amu tũtikwenda kũmenya njĩra ciaku:
15. Mwene-Hinya kaĩ akĩrĩ kĩ, atĩ tũkĩmũtungatagĩre? na ũguno nĩ ũrĩkũ tũngĩona, o na tũngĩmũhoyaga?
16. No atĩrĩ, wega ũcio monaga-rĩ, ti moko mao ene maũgwatĩrĩire. (Ũtaaro wa acio aaganu ũrondaihĩrĩria mũno!)
17. Nĩ kaigana tawa wa andũ arĩa aaganu ũkĩhoragio? nĩ kaigana mũtino ũrĩa ũmerekeire ũmakinyagĩrĩra? nĩ mahinda maigana Ngai aanamagaĩra ruo nĩ ũndũ wa kũmarakarĩra?
18. Nĩ kaigana matuĩkaga ta rũhuti rũgĩtindĩkwo nĩ rũhuho, na ta mũũngũ ũrĩa ũũmbũrĩtwo nĩ kĩhuhũkanio?
19. Inyuĩ no kuuga atĩrĩ, atĩ mũndũ ta ũcio nĩ ciana ciake Ngai etagĩrĩria ngero ya waganu wake. Hĩ! nĩ kaba amũrĩhie we mwene, nĩguo aũmenye.
20. Reke maitho make meonere kũnyarirũo gwake, marũrũ ma Mwene-Hinya akĩmekundĩre arĩ we.
21. Amu-rĩ, angĩgĩcoka gũkenera ũhoro wa gwake na njĩra ĩrĩkũ, mũigana wa mĩeri yake watuĩkĩrio gatagatĩ?
22. Githĩ kwĩ mũndũ ũngiuga arute Mũrungu, Mũrungu agĩe na ũmenyi, na arĩ we ũtuagĩra arĩa a kũrĩa igũrũ?
23. Mũndũ ũmwe egũkua arĩ o na hinya wake wothe, o earaganĩtie na ahoreire wega wega;
24. Itete ciake ciiyũire iria, na mũthimo ũrĩa wĩ thĩinĩ wa mahĩndĩ make no mũigũ.
25. Ũngĩ agakua arĩ o na ũcũngũ ngoro, na ndarĩ hingo arĩ aacama kĩndũ kĩega.
26. Makomaga thĩ tĩri-inĩ o ũndũ ũmwe, o erĩ magakĩhumbwo nĩ igunyũ.
27. Atĩrĩrĩi, Nĩnjũĩ meciria manyu, nĩnjũĩ maũndũ marĩa mũreĩngereria na ũũru.
28. Amu mũroria atĩrĩ, Nyũmba ya mũnene rĩu ĩkĩrĩ kũ? hema ĩkĩrĩ ha, ĩrĩa ĩratũirũo nĩ arĩa aaganu?
29. Kaĩ mũtarĩ mworia agendi na njĩra? nĩ kũrũmbũiya mũtarũmbũyagia ũira wao?
30. Atĩ mũthenya kwĩ mũtino mũndũ mũũru nĩ gũtigio atigagio, mũthenya gũtũkũĩtwo nĩ kuunio oinithagio?
31. Ikĩro ciake-rĩ, nũ ũngĩcionania ũthiũ-inĩ wake? nake nũ ũngĩkĩmũrĩha kũringana na maũndũ marĩa aaneka?
32. O na nĩ gũkuuo agakuuo atwarũo irima, na mbĩrĩra yake nĩĩkarangagwo camu.
33. Marũrũa ma gĩtuamba magaikara ta me na mũrĩo harĩ we, na andũ othe nĩ kũrũmanĩrĩra makarũmanĩrĩra thutha wake, o ta ũrĩa mbere yake kwanagĩa aingĩ matangĩtarĩka.
34. Nĩ atĩa mũrakĩ’horeria na ũhoro wa tũhũ, kuona atĩ macokio manyu makoragwo no ũrongo harĩ?

Home