Go Back

Ezara Chapter 5

• 1. Na rĩrĩ, anabii aya, ti Hagai mũnabii na Zekaria wa Ido, makĩrathĩra Ayihudi arĩa maarĩ Juda na Jerusalemu maũndũ marĩa monetio nĩ Ngai wa Isiraeli, makĩgwetaga rĩĩtwa rĩake.
• 2. Hĩndĩ o ro ĩo Zerubabeli wa Shealitieli na Jeshua wa Jozadaku magĩkĩarahũka makĩambĩrĩria gwaka nyũmba ya Ngai o ĩo ĩrĩ kũu Jerusalemu; na magĩkorũo me hamwe na anabii a Ngai, makĩmateithia.
• 3. Na rĩrĩ, ihinda o ro rĩu magĩkorũo nĩ Tatenai, barũthi wa mũrĩmo ũcio wa rũũĩ rũa Farati, me na Shetharu-bozenai na andũ a thiritũ yao, makĩmoria atĩrĩ, Watho wa gwaka nyũmba ĩno, o na kũrĩkia rũthingo rũrũ-rĩ, mwaheirũo nũ?
• 4. Ningĩ makĩmoria ũũ: Andũ arĩa maraaka nyũmba ĩno metagwo aa ũ?
• 5. No rĩrĩ, riitho rĩa Ngai wao nĩrĩerekeire harĩ athuri acio a Ayahudi, nao andũ acio matiamatigithirie kũruta wĩra ũcio o nginya ũhoro ũcio wambe ũtwarũo he Dario, na marũa ma macokio ma ũhoro ũcio mahũndũruo.
• 6. Na rĩrĩ, ĩno nĩyo kobi ya marũa marĩa maatwarĩirũo Dario, mũthamaki, nĩ Tatenai, barũthi wa bũnũri ũrĩa ũrĩ mũrĩmo ũcio wa rũũĩ rũa Farati, na Shetharu-bozenai, na Aafarisaki arĩa maarĩ a thiritũ yake,
• 7. makĩmũtwarithĩria marũa maandĩkĩtwo ũũ: Atĩrĩrĩ, marũa maya maandĩkĩrũo Dario, mũthamaki witũ; thayũ ũrokũingĩhĩra.
• 8. Atĩrĩrĩ, nĩkũmenyeke nĩwe, wee mũthamaki witũ, atĩ nĩtwathiire bũrũri wa Juda, tũgĩkinya o kũu nyũmba-inĩ ya Ngai ũrĩa mũnene mũno, na nĩtwonire atĩ ĩraakwo na mahiga manene, nayo mĩtĩ ĩkaigĩrĩrũo thingo-inĩ ciayo igũrũ; naguo wĩra ũcio nĩũrarutwo na kĩyo mũno, na ningĩ nĩũrathiĩ na mbere mũno ũkĩrutwo nĩ andũ arĩa maraũruta.
• 9. Na ithuĩ tũgĩkĩũria athuri acio atĩrĩ, Nũ wamwathire mwake nyũmba ĩno, o na mũrĩkie rũthingo rũrũ?
• 10. O na tũkĩmoria marĩĩtwa mao nĩguo tũkũmenyithie ũhoro ũcio wega, nĩ getha tũkwandĩkĩre marĩĩtwa ma atongoria ao.
• 11. Namo macokio marĩa maatũcokeirie maatariĩ ũũ: Atĩrĩrĩ, ithuĩ tũrĩ ndungata cia Ngai ũrĩa wa igũrũ na thĩ, na nĩ gwaka tũraaka nyũmba ĩno yaakirũo mĩaka mĩingĩ ĩthirĩte, o ĩno yaakirũo nĩ mũthamaki wa Isiraeli mũnene mũno, akĩmĩrĩkia.
• 12. No rĩrĩ, thutha wa hĩndĩ ĩrĩa maithe maitũ maathirĩkirie Ngai wa igũrũ magĩtũma arakare, nĩaamaneanire moko-inĩ ma Nebukadinezaru, mũthamaki wa Babuloni, Mũkalidei, nake agĩkĩananga nyũmba ĩno, na agĩtaha andũ a gũkũ akĩmatwara Babuloni.
• 13. No rĩrĩ, mwaka wa mbere ũrĩa Kurusu, mũthamaki wa Babuloni, aakorirũo athamakĩte-rĩ, Kurusu ũcio, mũthamaki, nĩaathanire akiuga atĩ nyũmba ĩno ya Ngai yakwo.
• 14. O nacio indo cia thahabu na cia betha cia nyũmba ya Ngai iria Nebukadinezaru aarutire hekarũ-inĩ ĩno ĩĩ gũkũ Jerusalemu, o na agĩcitwara agĩciiga hekarũ-inĩ ĩrĩa ya kũrĩa Babuloni, indo icio-rĩ, Kurusu ũcio, mũthamaki wakuo, nĩaacirutire hekarũ-inĩ ĩo ya Babuloni, igĩkĩnengerũo mũndũ ũmwe wetagwo Sheshibazaru, ũrĩa aatuĩte barũthi wa gũkũ;
• 15. na akĩmwĩra atĩrĩ, Oya indo ici ũthiĩ nacio, ũgaciige hekarũ-inĩ ĩrĩa ĩrĩ Jerusalemu, na wakithie nyũmba ya Ngai yakuo rĩngĩ o handũ hayo.
• 16. Hĩndĩ ĩo Sheshibazaru o ro ũcio agĩgĩũka, agĩaka gĩtina kĩa nyũmba ya Ngai ĩno ĩrĩ Jerusalemu; na kuuma hĩndĩ ĩo gwata rĩu ĩtũire o yakagwo, na ndĩrĩ yarĩka.
• 17. Na rĩrĩ, tondũ wa ũhoro ũcio, wee mũthamaki, ũngĩkorũo nĩũkuona arĩ wega-rĩ, reka andũ macarie o kũu nyũmba ya mũthamaki ya kũigwo mũthithũ wa indo ciake cia bata ĩrĩa ĩrĩ kũu Babuloni, marore kana ũhoro ũcio woigirũo ũtariĩ o ro ũguo, atĩ Kurusu ũcio warĩ mũthamaki nĩaathanire akiuga nyũmba ĩno ya Ngai yakwo gũkũ Jerusalemu; nawe, mũthamaki witũ, ũtũcokerie ũhoro uuge ũrĩa ũkwenda gwĩkwo ũhoro-inĩ ũcio.

Home