Go Back

1 Maũndũ ma Matukũ ma Tene Chapter 7

• 1. Na rĩrĩ, ariũ a Isakaru nĩ Tola, na Pua, na Jashubu, na Shimuroni, andũ ana.
• 2. Nao ariũ a Tola nĩ Uzi, na Refaia, na Jerieli, na Jahamai, na Ibisamu, na Shemueli; andũ acio-rĩ, maarĩ anene a nyũmba cia maithe mao, naguo ũguo nĩ ta kuuga nyũmba cia ariũ a Tola; nao maarĩ njamba irĩ hinya njiaro-inĩ ciao, na matukũ ma Daudi andũ acio maarĩ andũ ngiri mĩrongo ĩĩrĩ na igĩrĩ na magana matandatũ magĩtarũo.
• 3. Nao ariũ a Uzi nĩ Izirahia; na me hamwe na ariũ ake, Mikaeli, na Obadia, na Joeli, na Ishia, maarĩ andũ atano; acio othe maarĩ andũ anene a andũ ao.
• 4. Na hamwe nao nĩkwarĩ andũ ngiri mĩrongo ĩtatũ na ithathatũ maarĩ itungati cia mbũtũ ya kũrũa mbaara, o ta ũrĩa njiaro ciao ciatariĩ, o na ta ũrĩa nyũmba cia maithe ciatariĩ; nĩ gũkorũo maarĩ na aka aingĩ, o na ariũ ao aingĩ.
• 5. Nao ariũ a ithe wao, thĩinĩ wa mbarĩ ciothe cia Isakaru, maarĩ ngiri mĩrongo ĩnana na mũgwanja, magĩtarũo o ti ũrĩa njiaro ciao ciatariĩ, nao othe maarĩ njamba irĩ hinya.
• 6. Nao ariũ a Benjamini nĩ Bela, na Bekeri, na Jediaeli, nĩ atatũ.
• 7. Nao ariũ a Bela nĩ Eziboni, na Uzi, na Uzieli, na Jerimothu, na Irĩ, nĩ atano; nao maarĩ anene thĩinĩ wa nyũmba cia maithe mao, ningĩ maarĩ njamba irĩ hinya; nao magĩtarũo o ta ũrĩa njiaro ciao ciatariĩ-rĩ, maarĩ ngiri mĩrongo ĩĩrĩ na igĩrĩ, na mĩrongo ĩtatũ na ana.
• 8. Nao ariũ a Bekeri nĩ Zemira, na Joashu, na Eliezeru, na Elioenai, na Omuri, na Jeremothu, na Abija, na Anathothu, na Alemethu. Acio othe maarĩ ariũ a Bekeri,
• 9. na nĩo maarĩ anene thĩinĩ wa nyũmba cia maithe mao, na njamba irĩ hinya. Nao maarĩ ngiri mĩrongo ĩĩrĩ na magana merĩ, magĩtarũo na ũndũ wa ũhoro wa njiarũa, o ta ũrĩa njiaro ciao ciatariĩ.
• 10. Na ariũ a Jediaeli nĩ Bilihani; na ariũ ake nĩ Jeushu, na Benjamini, na Ehudu, na Kenaana, na Zethani, na Tarishishi, na Ahishaharu.
• 11. Acio othe nĩ ariũ a Jediaeli, o ta ũrĩa anene a nyũmba cia maithe mao maatariĩ, na maarĩ njamba irĩ hinya ngiri ikũmi na mũgwanja na magana merĩ arĩa maahotaga kuumagara mathiĩ na mbũtũ cia ita.
• 12. O nao Shupimu na Hupimu maarĩ ariũ a Iru, na Hushimu aarĩ mũrũ wa Aheri.
• 13. Nao ariũ a Nafitali nĩ Jahazieli, na Guni, na Jezeri, na Shalumu, ariũ a Biliha.
• 14. Nao ariũ a Manase nĩ Asirieli, ũrĩa aaciarĩirũo nĩ mũka; (nayo thuriya yake ya Mũaramiti ĩgĩciara Makiru, ithe wa Gileadi;
• 15. nake Makiru akĩhikia mwarĩ wa nyina na Hupimu na Shupimu, nake mwarĩ ũcio wa nyina wao nĩwe wetagwo Maaka;) nake ũrĩa ũngĩ wa kerĩ etagwo Zelofehadi; nake Zelofehadi aarĩ na airĩtu ake.
• 16. Nake Maaka, mũka wa Makiru, agĩciara kahĩĩ, agĩgatua Pereshu; nake mũrũ wa nyina etagwo Shereshu; nao ariũ ake nĩ Ulamu, na Rakemu.
• 17. Nao ariũ a Ulamu nĩ Bedani. Acio nĩo maarĩ ariũ a Gileadi, mũrũ wa Makiru wa Manase.
• 18. Nake mwarĩ wa nyina Hamolekethu agĩciara Ishihodi, na Abiezeri, na Mahala.
• 19. Nao ariũ a Shemida nĩ Ahiani, na Shekemu, na Liki, na Aniamu.
• 20. Nao ariũ a Efiraimu nĩ Shuthela, na Beredi mũrũwe wa ũcio, na Tahathu mũrũwe wa ũcio, na Eleada mũrũwe wa ũcio,
• 21. na Tahathu mũrũwe wa ũcio, na Zabadi mũrũwe wa ũcio, na Shuthela mũrũwe wa ũcio, na Ezeri na Eleadi arĩa moragirũo nĩ andũ a Gathi, arĩa ene bũrũri ũcio, nĩ gũkorũo nĩmaaikũrũkĩte magĩthiĩ gũtaha ũhiũ wao.
• 22. Nake ithe wao, Efiraimu, akĩmarĩrĩra matukũ maingĩ; nao ariũ a ithe magĩthiĩ kũmũkiria maithori.
• 23. Thutha wa ũguo akĩonana na mũka, nake akĩgĩa ihu, agĩciara kahĩĩ, agĩgatua Beria, nĩ ũndũ maũndũ wa gwake mũciĩ nĩmaathiĩte ũũru.
• 24. Nake mwarĩ nĩ Sheera, ũrĩa waakire Bethi-horoni ya mũhuro o na ya rũgongo igũrũ, o na Uzeni-sheera.
• 25. Nake Refa nĩ mũrũwe, na Resefu, nake Tela nĩ mũrũwe wa ũcio, na Tahani, mũrũwe wa ũcio,
• 26. na Ladani, mũrũwe wa ũcio, na Amihudu mũrũwe wa ũcio, na Elishama mũrũwe wa ũcio,
• 27. na Nuni mũrũwe wa ũcio, na Joshua mũrũwe wa ũcio.
• 28. Nakuo Beth-eli nĩkuo megwatĩire gũgĩtuĩka kwao, gũgĩgĩtuĩki ũtũũro wao, hamwe na matũũra makuo; o nakuo mwena wa irathĩro makĩĩgwatĩra Naara, o nakuo mwena wa ithũĩro makĩĩgwatĩra Gezeri, hamwe na matũũra makuo, o na Shekemu, hamwe na matũũra makuo, o nginya Aza, hamwe na matũũra makuo;
• 29. ningĩ mĩhaka-inĩ ya ciana cia Manase makĩĩgwatĩra Bethi-shani, hamwe na matũũra marĩo, na Taanaka, hamwe na matũũra marĩo, na Megido, hamwe na matũũra marĩo, na Dori, hamwe na matũũra marĩo. Nakuo kũu nĩkuo gwatũũrirũo nĩ ciana cia Jusufu, mũrũ wa Isiraeli.
• 30. Nao ariũ a Asheri nĩ Imuna, na Ishiva, na Ishivi, na Beria, na Sera, mwarĩ wa nyina wao.
• 31. Nao ariũ a Beria nĩ Heberi, na Malikieli, ũrĩa warĩ ithe wa Birizaithu.
• 32. Nake Heberi agĩciara Jafileti, na Shomeri, na Hothamu, na Shua, mwarĩ wa nyina wao.
• 33. Nao ariũ a Jafileti nĩ Pasaka, na Bimihali, na Ashavathu. Acio nĩo ariũ a Jafileti.
• 34. Nao ariũ a Shemeri nĩ Ahi, na Rohaga, na Jehuba, na Aramu.
• 35. Nao ariũ a Helemu, mũrũ wa ithe, nĩ Zofa, na Imuna, na Sheleshu, na Amali.
• 36. Nao ariũ a Zofa nĩ Sua, na Harineferi, na Shuali, na Beri, na Imura,
• 37. Bezeri, na Hodi, na Shama, na Shilisha, na Ithirani, na Beera.
• 38. Nao ariũ a Jetheri nĩ Jefune, na Pisipa, na Ara.
• 39. Nao ariũ a Ula nĩ Ara, na Hanieli, na Rizia.
• 40. Acio othe nĩo maarĩ ciana cia Asheri, na nĩo maarĩ anene thĩinĩ wa nyũmba cia maithe mao, ningĩ nĩo maarĩ njamba irĩ hinya na iria thure, na anene a gwathaga aathani arĩa angĩ. Nao maarĩ andũ ngiri mĩrongo ĩĩrĩ na ithathatũ magĩtarũo o ta ũrĩa njiarũa ciao ciatariĩ a gũthiaga mbũtũ-inĩ cia ita.

Home