Go Back

Kĩambĩrĩria Chapter 10

• 1. NA RĨRĨ, njiaro cia ariũ acio a Nuhu, Shemu na Hamu na Jafethu, nĩcio ici; andũ acio-rĩ, nĩmaaciarĩirũo ihĩĩ mũiyũro ũcio mũnene wahũa.
• 2. Ariũ a Jafethu nĩ aya: Gomeri, na Magogu, na Madai, na Javani, na Tubali, na Mesheki, na Tirasi.
• 3. Nao ariũ a Gomeri nĩ aya: Ashikenazu, na Rifathu, na Togarima.
• 4. Nao ariũ a Javani nĩ aya: Elishahu, na Tarishishi, ningĩ nowe kĩhumo gĩa Akiti na Adodani.
• 5. Andũ arĩa moimire thĩinĩ wa acio nĩo maagayũkanĩire thĩ cia ndũrĩrĩ iria ii hũgũrũrũ-inĩ cia iria rĩrĩa inene, igĩtuĩka mabũrũri mao, o andũ na mwario wao, kũringana na ũrĩa mĩhĩrĩga yao o na ndũrĩrĩ ciao ciekũũranĩte.
• 6. Nao ariũ a Hamu nĩ aya: Kushi, na Misiri, na Putu, na Kanaani.
• 7. Nao ariũ a Kushi nĩ aya: Seba, na Havila, na Sabita, na Raama, na Sabiteka; nao ariũ a Raama nĩ aya: Sheba na Dedani.
• 8. Nake Kushi agĩciara Nimirodi ũrĩa waambire gũtuĩka hoti ya gwathana gũkũ thĩ.
• 9. Ũcio nĩonagwo nĩ Jehova arĩ hoti ya ũguĩmi; nĩkĩo kwĩragwo atĩrĩ, Ta Nimirodi, ũrĩa wonagwo nĩ Jehova arĩ hoti ya ũguĩmi.
• 10. Na rĩrĩ, kũrĩa aambĩrĩirie gũthamaka-rĩ, nĩ Babeli, na Ereku, na Akadi, na Kaline, kũu bũrũri wa Shinaru.
• 11. Na kuuma o bũrũri ũcio, agitambĩrĩra bũrũri wa Ashuri, nakuo kũu agĩaka matũũra metagwo Nineve na Rehobothu-Iru, na Kala,
• 12. na Reseni o kũu gatagatĩ ka Nineve na Kala (kũu nĩkuo itũũra rĩrĩa inene).
• 13. Nake Misiri agĩtuĩka kĩhumo kĩa Aludi, na Aanami, na Alehabi, na Anafituhi,
• 14. na Apathirusi, na Akasuluhi (na thĩinĩ wa acio nĩho Afilisiti moimire), o na ningĩ nĩwe kĩhumo gĩa Akafitori.
• 15. Nake Kanaani agĩciara Zidoni mũrũwe wa irigithathi, na Hethu;
• 16. ningĩ nĩwe kĩhumo ha mĩhĩrĩga ya Jebusi, na Amori, na Girigashi,
• 17. na Hivi, na Ariki, na Sini,
• 18. na Arivadi, na Zemari, na Hamathi; na rĩrĩ, thutha-inĩ mĩhĩrĩga ĩo ya rũrĩrĩ rũa Kanaani ĩkĩharaganĩria kũu.
• 19. Naguo mũhaka wa rũrĩrĩ rũu rũa Kanaani woimĩte Zidoni, ũgathiĩ o ro ũguo ũrorete Gerari, ũgakinya Gaza; na ningĩ ũgathiĩ o ro ũguo ũrorete Sodomu, na Gomora, na Adima, na Zeboimu, ũgakinya o Lasha.
• 20. Icio nĩcio ciana cia Hamu, kũringana na mĩhĩrĩga yacio o na mĩario yacio, o ta ũrĩa mabũrũri ma cio o na ndũrĩrĩ ciacio ciekũũranĩte.
• 21. Nake Shemu ũrĩa warĩ kĩhumo gĩa kĩruka gĩothe kĩa Eberi, na nowe mũrũ wa nyina na Jafethu ũrĩa mũkũrũ, nĩaaciarĩirũo ciana o nake.
• 22. Nao ariũ a Shemu nĩ aya: Elamu, na Ashuri, na Aripakishadi, na Ludi, na Aramu.
• 23. Nao ariũ a Aramu nĩ aya: Uzu, na Hulu, na Getheru, na Masha.
• 24. Nake Aripakishadi agĩciara Shela, nake Shela agĩciara Eberi.
• 25. Nake Eberi ũcio agĩciarĩrũo ihĩĩ igĩrĩ, kĩmwe gĩgutwo Pelegu, nĩ gũkorũo matukũ make nĩmo thĩ yagayũkanĩirũo; nake mũrũ wa nyina etagwo Jokitani.
• 26. Nake Jokitani agĩciara Alimodadi, na Shelefu, na Hazarimavethu, na Jera,
• 27. na Hadoramu, na Uzali, na Dikila,
• 28. na Obali, na Abimaeli, na Sheba,
• 29. na Ofiru, na Havila, na Jobabu; andũ acio othe nĩo ariũ a Jokitani.
• 30. Nakuo kũrĩa maatũire kwoimĩte Mesha, gũgathiĩ o ro ũguo kũrorete Sefari, o kũu mwena wa irathĩro kũrĩa kũrĩ irĩma.
• 31. Icio nĩcio ciana cia Shemu, kũringana na mĩhĩrĩga yacio o na mĩario yacio, o ta ũrĩa mabũrũri ma cio o na ndũrĩrĩ ciacio ciekũũranĩte.
• 32. Ĩo nĩyo mĩhĩrĩga ya ciana cia Nuhu, kũringana na ũrĩa njiaro ciacio o na ndũrĩrĩ ciacio ciekũũranĩte, nao andũ arĩa moimire thĩinĩ wacio nĩo maagayũkanire, magĩtuĩka ndũrĩrĩ cia gũkũ thĩ, thutha wa mũiyũro ũcio mũnene.

Home